Կինը մեկ ամիս շարունակ միայն շան կեր է ընդունել՝ ապացուցելու համար, որ այն առավել առողջարար է

Երբ որեւէ մեկն ասի՝ ձեր սեղանին դրված այս կամ այն ուտեստը շան կերի է նման, անշուշտ կվիրավորվեք: Դե ուրեմն տեղեկացեք, թե ինչ արել ԱՄՆ Վաշինգտոն նահանգի բնակչուհի, Paw's Natural Pet Emporium առեւտրային ցանցի սեփականատեր Դորոթի Հանթերը՝ վիրավորանք ծնող կարծրատիպը ցրելու համար: Նա մեկ ամիս շարունակ (մինչեւ հուլիսի 19-ը) միայն շան կեր է ընդունել՝ ապացուցելու համար, որ տնային կենդանիները շատ ավելի առողջարար սնունդ են ընդունում, քան՝ մարդիկ, տեղեկացնում է NewsMax Health-ը:

Այնուամենայնիվ, Դորոթի որոշումը պլանավորված չի եղել. պարզապես մի օր, ծանր աշխատանքին օրվա ավարտին տուն դառնալով, սառնարանում ուտելիք չի գտել եւ որոշել է փոքրիկ ընկերոջ ընթրիքից փորձել: Սնունդի հաճելի համը եւ հանգամանքը, որ այն ոչ բազմատեսակ, բայց առողջարար բաղադրիչներ է պարունակում, մեծ զարմանք է պատճառել պատմության հերոսուհուն:

Իսկ դիետելոգնե՞րն ինչպես են արձագանքել: «Այո, կենդանիների համար նախատեսված կերը, մարդու սննդակարգի համեմատ, կարող է առավել առողջարար գտնվել: Սակայն այն նաեւ սննդային թունավորման վտանգով է հղի, քանի որ որոշ բաղադրիչներ կարող են ընդունելի չլինել մարդու աղիքների համար», - նշել է Մաունթ Սինայ հիվանդանոցի ավագ դիետոլոգ Ջեքլին Լոնդոնը:

Նրա համոզմամբ, թե մարդու, եւ թե բոլոր կենդանիների համար առավել առողջարար է հնարավորինս սահմանափակ բաղադիչներ պարունակող սնունդ ընդունել, բայց կարծես թե մարդու իմունային համակարգին հարմար եւ վիտամինների ու միներալների անհրաժեշտ պարունակություն ապահովող սննդակարգի գաղափարն էլ միայգամայն տրամաբանական է:

Ուրեմն ի՞նչ հետեւություն: Թողնենք շան կերը մի կողմ եւ մեր սննդակարգի առողջացմամբ զբաղվենք:

Հետևեք NEWS.am Medicine-ին Facebook-ում և Twitter-ում