Երջանիկ կին՝ երջանիկ կյա՞նք

Journal of Marriage and Family ամսագրում հրապարակում գտած հետազոտական տվյալներն այն մասին են վկայում, որ ամուսնական կյանքում երջանիկ կանանց զուգընկերները կյանքից բավարարվածության առավել բարձր զգացում են ապրում:

«Գաղտնիք չէ, որ հաջող ամուսնական կյանք վարող զույգերը տարեց հասակում ավելի մեծ բավարարվածություն են ստանում կյանքից: Սակայն տղամարդկանց պարագայում կյանքից բավարարվածության մակարդակը գլխավորապես այն հանգամանքից է կախված թե իրենք՝ կանայք, ինչպես են իրենց ամուսնական կյանքը բնութագրում: Եթե կինը գտնում է, որ գոհ է ամուսնությունից, կյանքը կարող անսահման հաճելի թվալ, նույնիսկ եթե բուն ամուսնությունը տղամարդուն այնքան էլ հաջողված չի թվում», - մեկնաբանել է հետազոտության համահեղինակ, կրթօջախին կից գործող սոցիալական հետազոտությունների ինստիտուտի պրոֆեսոր Վիկի Ֆրիդմանը:

Փորձագետների պնդմամբ, ամուսնական կյանքի որակի գնահատականից կախված՝ տղամարդու եւ կնոջ՝ կյանքից ընդհանուր բավարարվածության մակարդակի բացահայտմանը միտված այլ հետազոտություններ նախկինում չեն իրականացվել, հաղորդում է FoxNews-ը:

Գիտնականները 2009թ-ին վերագրվող ընտանիքի ազգային հետազոտության օբյեկտիվում հայտնված 394 զույգերի ամուսնական կյանքն են ուսումնասիրել: Խոսքն այն ընտանիքների մասին է, որի անդամներից առնվազն մեկի տարիքը 60 կամ ավելի է կազմում: Վերջիններս հարցախույցի են ենթարկվել՝ կյանքից բավարարվածության եւ երջանկության զգացման վերաբերյալ, ինչպես նաեւ, հետազոտության հեղինակների խնդրանքով, օրագիր պահել՝ այս կամ այն կենցաղային իրադարձությանն իրենց գնահատականը տալու նպատակով: Մասնավորապես, ամուսնության որակի մակարդակը, հարցախույզի ընթացքում, 6 հարցերի օգնությամբ է չափվել՝ այն մասին, թե որքանով են անկեղծ զուգընկերոջ հետ կամ որքան հաճախ է զուգընկերն ամուսնական կյանքին լարվածություն հաղորդում:

Միջին տվյալներով, զույգերը կյանքից բավարարվածության մակարդակը 6 հնարավորից 5 միավորով են գնահատել, իսկ երջանկության մակարդակը՝ աննշան ցածր: Ինչ վերաբերում է ամուսնության որակին, տղամարդիկ, ընդհանուր առմամբ, մի փոքր ավելի դրական են արտահայտվել:

Հետազոտության հեղինակների ամփոփմամբ, թե ամուսինների, եւ թե կանանց պարագայում հաջող ամուսնությունը կյանքից բավարարվածության եւ երջանկության առավել բարձր մակարդակ է ենթադրում, սակայն ամուսնական կյանքի վերաբերյալ կնոջ գնահատականներն այդ տեսանկյունից ավելի մեծ կարեւորություն են ներկայացնում:

Հետևեք NEWS.am Medicine-ին Facebook-ում և Twitter-ում