Ինչո՞ւ են երեխաները սովորաբար ավելի հեշտ տանում COVID-19-ը, քան մեծահասակները:
Քիթն, ըստ երևույթին, գիտի, թե ինչու են երեխաները հիվանդանում COVID-19-ի ավելի թեթև ձևով, քան տարեցները, ասվում է նոր հետազոտության մեջ:
Լաբորատոր ուսումնասիրությունների արդյունքները ցույց են տվել, որ քթի ներքին մակերևույթը պատող բջիջներն ավելի հաճախ են արագ իմունային արձագանք տալիս COVID-19-ին երիտասարդների շրջանում, քան տարեցների մոտ:
Հետազոտության համար գիտնականները կուլտիվացրել են առողջ երեխաների, մեծահասակների և տարեցների քթի բջիջները:
Այնուհետև բջիջների կուլտուրաները ենթարկել են COVID-19 կորոնավիրուսի ազդեցությանը, և դրանց արձագանքը վերահսկել լաբորատորիայում:
Երեք օր անց երեխաների քթի բջիջներն արագ արձագանքել են վիրուսին՝ մեծացնելով ինտերֆերոնի արտազատումը՝ ազդանշանային սպիտակուց, որը ծառայում է որպես վիրուսներից օրգանիզմի առաջին պաշտպանական գիծ: Ինտերֆերոնները ստիպում են մերձակա բջիջներին ուժեղացնել սեփական հակավիրուսային պաշտպանությունը՝ բարձրացնելով իմունիտետը:
Սակայն տարիքի հետ այս վաղ հակավիրուսային արձագանքը դառնում է ավելի նվազ արտահայտված: Իրականում, տարեց մարդկանց քթի բջիջները, որպես կանոն, ավելի շատ վարակիչ վիրուսային մասնիկներ են արտադրում, որոնք նպաստում են վիրուսին տարածվել ամբողջ օրգանիզմում:
Երեխաների քթի բջիջներում հակավիրուսային ավելի ուժեղ պատասխանը կարող է բացատրել, թե ինչու են երիտասարդների շրջանում COVID-19-ի ախտանիշներն ավելի թեթև ձևով դրսևորվում, ասում են հետազոտողները:
Բացի այդ, տարեցների քթի բջիջներում հայտնաբերված վնասվածքի և վիրուսի ռեպլիկացիայի բարձր լինելը կարող է պատասխան լինել այն հարցին,լ, թե ինչու են նրանք ավելի հակված COVID-19-ի ծանր ընթացքով հիվանդանալուն:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր