PCD. Դանդաղ քայլելը չի նվազեցնում սրտանոթային հիվանդությունների զարգացման ռիսկը

Լեսթերի համալսարանի (Մեծ Բրիտանիա) գիտնականները պարզել են, որ դանդաղ քայլող մարդկանց մոտ սրտանոթային հիվանդությունների և քաղցկեղի զարգացման ռիսկը մեծանում է նրանց համեմատ, ովքեր սովորաբար արագ են շարժվում: Արդյունքները հրապարակվել են Progress in Cardiovascular Diseases (PCD) ամսագրում:

Հետազոտությանը մասնակցել է ավելի քան 400 հազար մարդ։ Փորձարկվողներին խնդրել են պատասխանել իրենց սովորությունների վերաբերյալ հարցերին և նշել, թե ինչ արագությամբ են նրանք սովորաբար քայլում: Կախված տրամադրված տեղեկություններից՝ գիտնականները կամավորներին պայմանականորեն բաժանել են երեք խմբի (ըստ քայլելու բարձր, միջին և ցածր արագության)։ Դրանից հետո հետազոտողները սկսել են մասնակիցների մոնիթորինգը, որը տևել է ավելի քան տասը տարի։

Հետազոտության ժամանակ նրանք պարզել են, որ արագ քայլողների մոտ քաղցկեղից մահանալու ռիսկը ավելի քան 25%-ով ավելի քիչ է, քան հանգիստ քայլողների մոտ: Գիտնականները նաև պարզել են, որ դանդաղ տեմպերով քայլելը ավելի քիչ արդյունավետ է սրտանոթային հիվանդությունների զարգացումը կանխելու համար։

Գիտնականները ենթադրել են, որ արագ քայլելը ոչ միայն ապահովում է առողջության համար անհրաժեշտ շարժումներ, այլև ամրացնում է մկանները, ինչպես նաև օգնում է բարելավել շնչառական համակարգի վիճակը։

Բացի այդ, ինտենսիվ վարժությունը (որը մեծացնում է սրտի հաճախությունը) ավելի արդյունավետ է մարմնի ցածր աստիճանի քրոնիկ բորբոքման դեմ պայքարում: Հենց բորբոքումն է առաջացնում բազմաթիվ հիվանդություններ, այդ թվում՝ քաղցկեղ։

Հետևեք NEWS.am Medicine-ին Facebook-ում և Twitter-ում