Մաշկի խնամքի վերաբերյալ որոշ մոլորություններ փոխանցվում են սերնդեսերունդ, բայց բժիշկների (եւ երկար տարիների ուսումնասիրությունների) օգնությամբ իրականությունը հնարավոր է տարբերել հորինվածքներից։
1. Բյուրեղապակու նման մաքուր մաշկ՝ ճիշտ մոտեցում
Դեմքն օրական երկու անգամից հաճախ, այն էլ՝ օճառով լվանալը մաշկը կդարձնի թմբուկի նման կոշտ եւ կարող է հանգեցնել վնասվածքների, ասում է մաշկաբան Շերիլ Քարչերը Նյու Յորքից:
Դրա փոխարեն՝ օգտագործեք գլյուկոզայի կամ կոկոսի յուղի հիմքով նուրբ լվացող միջոցներ: Դրանք կարող են մաքրել դիմահարդարումը՝ միաժամանակ պահպանելով մաշկի էլաստիկությունը:
2. Բոտոքսը կարող է կանխել կնճիռները
Տեսականորեն՝ այո: Բայց ոչ մի երկարատեւ հետազոտություն չի հաստատում այս պնդումը:
Մաշկաբան Քարին Գրոսսմանը խորհուրդ է տալիս բոտոքսով բուժումը սկսել առաջին կնճիռների ի հայտ գալուց ոչ շուտ, այսինքն՝ մոտավորապես 30-ից հետո:
3. Յուղոտ մաշկի վրա չեն լինում այնքան կնճիռներ, որքան չորի վրա
Հետազոտությունը վերջնական չէ, բայց այս ենթադրությունը, կարծես, անիմաստ չէ: Օսթինից՝ Տեքսաս նահանգ, թերապեւտ Ռութի Հարփերն այս երեւույթը կապում է հորմոնների հետ:
Բայց սա չի նշանակում, որ յուղոտ մաշկն ընդհանրապես չի ծերանում: Այնպիսի գործոնները, ինչպիսիք են՝ ծխելը եւ արեւը, արագացնում են ծերացման գործընթացը եւ կնճիռներ են առաջացնում՝ անկախ մաշկի տիպից:
4. Անառողջ սննդի հետեւանքով շտիկներ (ուգրի) են առաջանում
«Մինչ օրս ոչ մի հետազոտություն ուղիղ կապ չի գտել արագ սննդի եւ պզուկների կամ շտիկացանի առաջացման միջեւ»,- ասում է մաշկաբան Դեւիդ Բանքը Մաունթ Քիսքոյից՝ Նյու Յորք:
Մաշկաբանության ամերիկյան ակադեմիայի ամսագրում հրապարակված հետազոտության համաձայն՝ իտալացի հետազոտողները պարզել են, որ շաբաթը 3 բաժակից ավել սովորական կամ անյուղ կաթ օգտագործելը կարող է մեծացնել շտիկների առաջացման վտանգը պզուկների նախահակում ունեցողների մոտ:
Հարփերը խորհուրդ է տալիս սահմանափակել այդ մթերքները կամ դրանք հավասարակշռել այն սննդամթերքներով եւ ըմպելիքներով, որոնք հակաբորբոքային նյութեր են պարունակում, ինչպիսիք են՝ կանաչ թեյը, բրոկոլին եւ օմեգա-3 ճարպային թթուներով հարուստ ձկները, ինչը 32%-ով նվազեցնում է շտիկների առաջացման ռիսկը, եթե դրանք օգտագործել գոնե շաբաթը մեկ անգամ:
5. Առավել լավ արդյունքի հասնելու համար օգտագործեք մաշկի խնամքի նույն ապրանքանիշի միջոցներ
Պարտադիր չէ, ասում է Բանքսը. «Իրականում սա մարքեթինգային խելացի քայլ է»:
6. Հնարավոր է ազատվել ցելյուլիտից
«Ոչ, ցելյուլիտն ընդմիշտ է լինում»,- ասում է մաշկաբան Հովարդ Սոբելը Նյու Յորքից:
Ամինոֆիլին պարունակող հատուկ քսուկները եւ մերսումները կարող են լավացնել մաշկի տեսքը, բայց լավագույն դեպքում՝ ընդամենը մի քանի ամսով:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր