MemphisMeatsս սթարթապ նախագծի հետազոտողների խումբը նախատեսում է լաբորատոր պայմաններում արհեստական միս ստեղծել` անվտանգ, որեւէ պաթոգեն, հորմոնի կամ հակաբիոտիկի հետք չպարունակող:
Հեղինակների կարծիքով, բջիջների աճեցման միջոցով ստեղծված միսը կունենա իսկականի բոլոր հատկությունները: Համն էլ լավը կլինի, վստահեցնում են գիտնականները:
Նման միս «պատրաստելու» համար գիտնականները խոզերի, կովերի եւ հավերի հյուսվածքներից վերականգնման մեծ կարողություն ունեցող բջիջներ են առանձնացնում: Դրանից հետո նրանք բջիջները տեղավորում են բիոռեակտորում, որտեղ դրանք մեկից երեք շաբաթվա ընթացքում աճում են թթվածնի, անհրաժեշտ սննդանյութերի եւ հորթի սաղմնային սիճուկի առկայությամբ: Մասնագետների խոսքով, նման մսի 1 կալորիայի ստեղծման համար ընդամենը 1 կալորիա էներգիա է անհրաժեշտ: Ավելին, նման մսից թունավորվելն անհամեմատ ավելի դժվար կլինի, քան իսկականից:
Առաջիկա հինգ տարվա ընթացքում մշակողները, որոնք արդեն մի քանի մլն դոլարի չափով ֆինանսավորում են ստացել, նախատեսում են սկսել կենսատեխնոլոգիական մսամթերքի մի ամբողջ տեսականու թողարկում: Նրանք վստահ են, որ 20 տարուց շուկայում մսի մեծ մասը լաբորատորիաներում աճեցված կլինի։
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր