Գիտնականները սովորել են մաքրել ՄԻԱՎ-ով վարակված բջիջները. նոր տեխնոլոգիաները թույլ են տալիս վարակված բջջի գենոմից հեռացնել բոլոր վիրուսային գեները, ինչպես նաեւ խոչընդոտում են դրանց կրկնական ներկառուցմանը:
Թեմփլի համալսարանի գենետիկները CRISPR/Cas9 կոչվող տեխնոլոգիան օգտագործել են վարակված Т –լիմֆոցիտներից ՄԻԱՎ-ի հեռացման համար, որպեսզի ցույց տան, որ համակարգը թույլ է տալիս կտրել վիրուսային գենոմի բոլոր պատճենները, առանց բացառության, ինչպես նաեւ խոչընդոտում է քրոմոսոմներում դրանց կրկնական ներկառուցմանը:
Փորձարկումներում օգտագործվել է CD4 ռեցեպտորներ կրող մարդկային Т- լիմֆոցիտների շարք, որոնք իմունոդեֆիցիտի վիրուսի սովորական թիրախ են հանդիսանում: Նրանց գենոմը մոդիֆիկացված` վիրուսային գեների մի մասից զուրկ ՄԻԱՎ-ի բազմաթիվ պատճեններ էր պարունակում:
ՄԻԱՎ-ի գեներից մեկը փոխարինվել է ֆլուորեսցենտային սպիտակուցի գենով, ինչը թույլ է տվել ակնառու կերպով հետեւել վիրուսի աշխատանքին: Նման բջիջների մեջ Cas9 գեների ներմուծումը չէր անդրադառնում վիրուսի գործունեության վրա, բայց РНК-գիդերի արտահայտման դեպքում դրանք սկսում էին կապվել ՄԻԱՎ-ի գեների հետ` այդպիսով դրանք կտրելով գենոմից:
«Այսպիսով` CRISPR/Cas9-ի օգնությամբ խմբագրումը կարող է թերապիայի նոր մեթոդներ բացահայտել CD4 պարունակող Т լիմֆոցիտներից ՄԻԱՎ-1-ի ԴՆԹ-ի հեռացման համար եւ կարող է մեկնակետ դառնալ լիակատար առողջացման ճանապարհին», — նշում են հեղինակները: Հոդվածը հրապարակվել է գիտական Scientific Reports ամսագրում:
Վերջերս հայտնաբերված CRISPR/Cas9 համակարգը թույլ է տալիս նպատակաուղղված խմբագրել տարբեր օրգանիզմների ԴՆԹ-ն, այն հիմնված է մանրէական բջիջների վերջերս հայտնաբերված հակավիրուսային պաշտպանության համակարգի վրա:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր