Կղանքային փոխպատվաստները կարող են օգնել գրգռված աղիների համախտանիշով մարդկանց

Կղանքային փոխպատվաստները կարող են մեղմել գրգռված աղիների համախտանիշի (ԳԱՀ) ցավոտ եւ անհանգստացնող ախտանշանները, եթե այդ փոխպատվաստները վերցված են մարդկանցից, որոնց անվանում են «սուպերդոնորներ», փոխանցում է NBCNews-ը:

Հետազոտության համաձայն՝ կղանքային միկրոբիոտայի փոխպատվաստումը պացինետներից գրեթե կեսի մոտ զգալիորեն բարելավել է ԳԱՀ ախտանշանները: Նորվեգիայի Բերգենի համալսարանի կլինիկական բժշկության ամբիոնի պրոֆեսոր Մագդի Էլ Սալհին հետազոտությունը ներկայացրել է Իսպանայում ընթացող ամենամյա Գաստրոէնտերոլոգիայի միավորված եվրոպական շաբաթի ժամանակ:

Ամերիկյան գաստրոէնտերոլոգիայի քոլեջի գնահատականներով՝ ամերիկացիների 10-ից մինչեւ 15 տոկոսը տառապում է ԳԱՀ-ով: Ախտանշանները կարող են ներառել փորի ջղակծկումներ եւ փքվածություն, ինչպես նաեւ փորկապություն եւ դիարեա: Չնայած այս վիճակը կարող է առաջացնել ուժգին ցավ եւ անհարմարություն, այն աղիների վնասվածքի չի բերում:

ԳԱՀ-ի պատճառն անհայտ է, բայց որոշ հետազոտողներ ենթադրում են, որ սա կարող է կապված լինել միկրոբիոմի խախտումների, մեծ թվով միկրոօրգանիզմների հետ, որոնք ապրում են աղիներում:

Կղանքային փոխպատվաստները կամ կղանքային միկոբիոտայի փոխպատվաստումը (ԿՄՓ) գործում են աղիների մեջ միկրոօրգանիզմների ավելի առողջ շարքի բնակեցման ճանապարհով: Դոնորի կղանքը մշակվում է եւ այնուհետեւ փոխպատվաստվում ընդունողի աղիների մեջ:

Պարզելու համար՝ արդյոք ԿՄՓ-ն կարո՞ղ է մեղմել ԳԱՀ-ի ախտանշանները, Էլ Սալհին եւ նրա գործընկերները ներգրավել են 164 պացիենտի:

Նախորդ հետազոտություններով նույնպես ուսումնասիրել են ԳԱՀ-ի ախտանշանների վրա ԿՄՓ-ի ազդեցությունը եւ խառը արդյունքներ են ստացել: Էլ Սալհին բուժման իր մեթոդի արդյունավետությունը բացատրել է սուպերդոնորի յուրահատուկ միկրոբիոտայով:

«Մենք դոնորի մանրակրկիտ ընտրություն ենք կատարել մի քանի թեկնածուներից, որոնց մոտ առկա էին նշաններ, որոնք, ինչպես հայտնի է, դրական են ազդում աղիքային միկրոբիոտայի վրա»,- ասել է Էլ Սալհին:

Դոնորն ընդհանուր առմամբ առողջ էր, նրան կրծքով էին կերակրել, նա կանոնավոր դեղեր չէր ընդունել, ծխող չէր եւ ընդամենը մի քանի անգամ էր հակաբիոտիկներ ընդունել, ասել է նա:

Հետևեք NEWS.am Medicine-ին Facebook-ում և Twitter-ում