ԱՄՆ նախագահ Բարաք Օբամայի աշխատակազմը մտադիր է Էբոլա տենդի դեմ հաջող պայքարի ֆինանսավորումից մնացած միջոցները հատկացնել Զիկա վիրուսի ահագնացող սպառնալիքի դեմ պայքարին:
Խոսքը մոտավորապես 600 մլն դոլարի մասին է, որի մեծ մասը տրամադրվելու է ԱՄՆ Հիվանդությունների վերահսկողության ու կանխարգելման կենտրոնին, որը զբաղվում է Զիկա տենդի դեմ պատվաստանյութերի հետազոտություններով ու մշակումով, հիվանդների բուժումով ու հիվանդությունը տարածող մոծակների դեմ պայքարով:
Ավելի վաղ Բարաք Օբաման Կոնգրեսից 1.8 մլրդ դոլար էր խնդրել Զիկա վիրուսի տարածման դեմ պայքարի համար «թե երկրի ներսում, թե դրա սահմաններից դուրս»: Միջոցները պետք է հատկացվեն ԱՄՆ 2017-ի բյուջեից, բայց այն ուշ է հաստատվելու: Այս իրավիճակում Էբոլա տենդի դեմ պայքարի ծրագրից մնացած գումարների գործածումը «մանեւրելու հնարավորություն կտար՝ Զիկա վիրուսի դեմ միջոցառումների ընտրության հարցում»,նշում են ամերիկացի քաղաքական գործիչները:
Զիկա տենդը սուր վարակիչ հիվանդություն է, որը մարդուն է փոխանցվում մոծակների խայթոցներից ու սովորաբար բնութագրվում է բարորակ ընթացքով՝ հաճախ տենդն անցնում է առանց որեւէ ախտանիշի: Վիրուսը, սակայն, վտանգավոր է հղի կանանց համար, քանի որ կարող է պտղի մոտ միկրոցեֆալիա ու այլ բնածին արատներ առաջացնել:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր