Ավելորդ քաշը կարող է ատամների հիվանդության պատճառ դառնալ. գիտնականներ

Ավելորդ քաշը բերանի խոռոչի եւ ատամների հիվանդություններ է առաջացնում: Այս մասին նշված է Oral Diseases ամսագրում հրապարակված հետազոտության մեջ:

Հետազոտության շրջանակում գիտնականները հետեւել են ատամնաբույժների 160 հիվանդների, որոնք ունեցել են մարմնի նորմալ եւ ավելորդ զանգված: Մարմնի զանգվածի 23-ից բարձր ինդեքսով մարդկանց շրջանում, որպես կանոն, ավելի ծանր պերիոդոնտիտ է նկատվել՝ այն հիվանդների համեմատությամբ, որոնք մարմնի նորմալ զանգված են ունեցել:

Նրանց մոտ, ում մարմնի զանգվածի ինդեքսը 25-ից անցել է, պարոդոնտիտի առաջացման հավանականությունը 6 անգան գերազանցել է մարմնի նորմալ զանգվածով հիվանդների նույն ցուցանիշը:

Գիտնականները նշում են, որ ճարպակալումը բերանի խոռոչում, ավելի շուտ, բորբոքային պրոցեսներ է առաջացնում, ինչն իր հերթին ատամների եւ բերանի խոռոչի հիվանդությունների պատճառն է:

Մարմնի զանգվածի ինդեքսը որոշվում է մարմնի զանգվածի (կիլոգրամներով) հարաբերությամբ հասակի քառակուսուն (մետրերով): Օրինակ՝ 67 կգ քաշի եւ 1,7 մետր հասակի դեպքում ինդեքսը հավասար է 23-ի: 25-ից բարձր ցուցանիշը վկայում է այն մասին, որ մարդն ավելորդ զանգված ունի (կանոնը չի գործում մարզիկների համար, որոնք կարող են մեծ քաշ ունենալ լավ զարգացած, ծանր մկանների հաշվին):

Հետևեք NEWS.am Medicine-ին Facebook-ում և Twitter-ում