Աչքի թեստը կօգնի երեխայի մոտ աուտիզմի ախտորոշմանը

Հետազոտողները նոր գործիք են մշակել, որն ընդհանուր պրակտիկայի բժիշկներին կօգնի նույնականացնել աուտիկ սպեկտրի խանգարումներով տառապող երեխաներին: Խոսքը սովորական աչքի թեստի մասին է:

Թեստի ընթացքում բժիշկը գնահատում է աչքի արագ շարժումները, որոնք կարող են հայտնել ուղեղի այն գոտում դեֆիցիտի առկայության մասին, որը կարեւոր դերակատարում ունի էմոցիոնալ եւ սոցիալական զարգացման մեջ: Այս մշակումը հիմնված է այն բանի ապացույցների վրա, որոնց թիվը շարունակաբար աճում է, որ աչքի արագ շարժումները մարդու ուղեղի յուրատեսակ պատուհանն են, որը թույլ է տալիս որոշել այս կամ այն նյարդաբանական եւ վարքային խանգարումների առկայությունը, ինչպիսին է աուտիզմը, ընդգծում են ԱՄՆ-ի Ռոչեսթերի համալսարանի գիտնականները:

Աուտիկ սպեկտրի խանգարումները բնութագրվում են մի շարք ախտանիշներով, որոնք կարող են մարդուց կախված ավելի կամ պակաս չափով արտահայտվել: Ախտանիշների այս անկանխատեսելիությունը աուտիզմի ախտորոշման ամենամեծ դժվարությունն է, ինչպես նաեւ բուժման առավել արդյունավետ կուրսը որոշելու: Հետեւաբար՝ խանգարման յուրահատուկ ֆենոտիպի նույնականացումը կարեւոր քայլ է արդյունավետ օգնություն ցուցաբերելու ճանապարհին: Աչքի շարժումը (սակադներ) եւ մեխանիզմները, որոնց օգնությամբ ուղեղը վերահսկում եւ վերամշակում է տեսողական պատկերները, տասնյակ տարիներ շարունակ նյարդաբանների լուրջ հետազոտությունների առիթ են դարձել: Աչքերի արագ շարժումները, որոնք մենք կատարում ենք մի օբյեկտից մյուսին մեր ուշադրությունը տեղափոխելիս, չափազանց կարեւոր են կողմնորոշման, ընկալման եւ շրջակա միջավայրի հետ փոխազդեցության համար:

Առողջ մարդկանց մոտ այս  սակադները լինում են արագ, ճշգրիտ եւ հրատապ, ինչը թույլ է տալիս տեսողությունը մի կետից մյուսին տեղափոխել հետաքրքրվածությունից կապված: Իսկ ահա աուտիկ սպեկտրի խանգարմամբ զոհերի մոտ խախտումներ են դիտվում ուղեղի գոտում, որը վերահսկում է այս շարժումները: Հատկապես այս պատճառով աչքի թեստը կարող է օգնել աուտիզմի արագ եւ ժամանակին ախտորոշմանը, որը ցույց է տվել հետազոտողների փորձերի շարքը:

Հետևեք NEWS.am Medicine-ին Facebook-ում և Twitter-ում