Առողջապահության համաշխարհային կազմակերպության (ԱՀԿ) եվրոպական տարածաշրջանի գրասենյակը, Հակամանրէային դեղերի նկատմամբ կայունության դեմ պայքարի եւ հսկողության ռազմավարական ծրագրի շրջանակներում ՀՀ ԱՆ Հիվանդությունների վերահսկման եւ կանխարգելման ազգային կենտրոնի ռեֆերենս լաբորատորիային շարունակական աջակցություն է տրամադրում: Այն ուղղված է մասնավորապես` մանրէաբանական լաբորատոր ծառայություններում միջազգային ИСО 15189:2012 չափորոշիչներին համահունչ «Որակի կառավարման համակարգի» ներդրմանը:
ԱՀԿ փորձագետի առաջին աջակցող այցը կազմակերպվել է 2017 թվականի սեպտեմբերին: Այժմ մասնագետները կրկին Հայաստանում են:
Աջակցող այցերի նպատակն է Ռեֆերենս լաբորատորիայի եւ մարզային 5 մասնաճյուղերի լաբորատորիաների ղեկավար անձնակազմին ներկայացնել ԱՀԿ-ի կողմից մշակված «Լաբորատորիայի որակի աստիճանական ներդրման (Laboratory Quality Stepwise Implementation- LQSI) գործիքակազմը եւ սովորեցնել առօրյա գործընթացում այդ գործիքակազմի կիրառման սկզբունքները:
Այցի ավարտին Հիվանդությունների վերահսկման եւ կանխարգելման ազգային կենտրոնի ռեֆերենս լաբորատորիայի ղեկավար անձնակազմը` ԱՀԿ-ի փորձագետի աջակցությամբ կմշակի լաբորատորիայի որակի ապահովման պլան` ելնելով նախորդ աջակցող այցի ընթացքում լաբորատորիայի կարողությունների LQSI ստուգացուցակով իրականացված գնահատման արդյունքներից:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր