Բժիշկները կոչ են անում հրաժարվել զուգարանի թղթից

14 ապրիլի, 2018  23:39

Զուգարանի թուղթը անձնական հիգիենայի իր է, առանց որի անհնար է պատկերացնել ժամանակակից մարդու կյանքը: Սակայն վերջերս փորձագետները հայտարարել են, որ այն իրականում հիգիենիկ չէ եւ ընդհանրապես վտանգավոր է մարդու առողջության համար: Այն պատճառով, որ այն ամբողջությամբ չի մաքրում կեղտի մնացորդները. ընդհակառակը, այն միայն նպաստում է հիվանդածին մանրէների տարածմանը:

The Sun-ը, հղում անելով «Մեծ կարիք» գրքի հեղինակ Ռոուզ Ջորջին գրում է, որ ավելի լավ է հրաժարվել զուգարանի թղթից: Հակառակ դեպքում միզուղիների վարակ եւ հետանցքի ճաքեր ստանալու վտանգ կա: Դրա փոխարեն փորձագետն առաջարկում է բիդեից օգտվել կամ երեխաների համար նախատեսված խոնավ անձեռոցիկներից:

«Չէ որ, դուք ամեն օր ցնցուղ եք ընդունում, այլ ոչ թե չոր սրբիչով եք սրբվում: Այդ դեպքում՝ ինչու եք մտածում, որ չոր զուգարանի թուղթը կարող է մաքրել» — նշում է Ջորջը:

Կնոջ տեսակետը կիսում է նաեւ գաստրոէնտերոլոգ Պարտա Նանդին: Բժիշկը վստահ է, որ զուգարանի թղթի փոխարեն բիդեի օգտագործումը նվազեցնում է թութքի զարգացման վտանգը, որը երբեմն առաջանում է չափազանց ինտենսիվ շփումից: Իհարկե բիդեն կա ոչ բոլոր տներում եւ հասարակական զուգարաններում, ուստի բժիշկը խորհուրդ է տալիս միշտ խոնավ անձեռոցիկներ ունենալ:

 

Հետևեք NEWS.am Medicine-ին Facebook-ում և Twitter-ում

loading...

  • Այս թեմայով
  • Տեսանյութեր
 
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Դուք որքա՞ն փող եք պատրաստ ամեն ամիս նվիրաբերել քաղցկեղով հիվանդների օգնության համար:
2500 դրամ
5000 դրամ
10 000 դրամից ավելի
Ոչ մի