Տառապո՞ւմ եք անքնությամբ. Մի քանի խորհուրդ թուլանալու համար

Նույիսկ եթե Դուք գիշերը բավականին խորն եք քնում, անքնության դեպքեր երբեմն եղել են: Լինում է, որ գիշերային ժամերին կերած սնունդն էլ  դառնա անքնության, սթրեսի կամ մեկ այլ բանի պատճառ: Huffington post.com-ի կայքի փորձագետները առաջարկում են փորձել  Ձեր մարմինը թուլացնելու վեց մեթոդ, երբ Ձեր քունը «խուսափում է» Ձեզանից:

1. Կառավարվող վիզուալացում

Մտեք անկողին եւ հրամայեք Ձեր մարմնին թուլանալ ոտքից գլուխ, խորհուրդ է տալիս Քալիֆորնիա նահանգի Պասադենայից սրտաբան Ջոշուա Ջակոբին: «Թուլացիր ճակատ, թուլացեք աչքեր, թուլացեք այտեր... այսպես մինչեւ  ոտքեր: Այնուհետեւ ես ինձ պատկերացնում եմ լողափին: Միացնում եմ իմ բոլոր զգայական հիշողությունները, այնպես, որ անգամ ավազն եմ զգում ոտքերիս տակ, տաք արեւը, մեղմ քամին: Ես տեսնում եմ, թե ինչպես են ալիքները մեղմորեն մոտենում ափին, լսում են ալիքների ձայնը, տեսնում արմավենիները»,- ասում է Ջակոբին:

2. Վերլուծեք Ձեր քնի ցիկլը

Սկսեք Ձեր քնի վերաբերյալ գրառումներ կատարել, խորհուրդ է տալիս Less Doing More Living բլոգի հիմնադիր Արի Մայզելը:

3. Ազատվեք տագնապի զգացումից

CureCrowd-ը առաջին որոնման համակարգն է, որը նախատեսված է տարբեր հիվանդությունների վիզուալ բուժման եւ բժշկական միջոցների տրամադրման համար՝ օգտագործելով  իրական, բայց անանուն հիվանդների փորձերը, ովքեր խորհուրդ են տալիս, գնալ յոգայի, կատարել վարժություններ, ինչպես նաեւ հայտնում են անհանգստության եւ անքնություն դեմ դեղատոմսեր:

4. Պրանայամա շնչառական տեխնիկան

Պրանայաման նպաստում է խորը թուլացման՝ հավասարակշռելով ուղեղի աջ եւ ձախ կիսագնդերը, ինչը հանգստացնում է նյարդային համակարգը, ասել է Aligned Holistics ընկերության (որը զբաղվում է մարդու սնուցման, ֆիզիկական ակտիվության, հարաբերությունների, կարիերայի եւ անձնական փիլիսոփայության կարգավորմամբ) հիմնադիր Ամիթա Պատելը:

Ահա թե ինչ է անհրաժեշտ անել. դրեք Ձեր աջ մատնեմատն ու բութ մատը քթածակերի երկու  կողմերում, թեթեւակի դիպչելով դրանց: Խորը շնչեք ու  արտաշնչեք, ապա փակեք աջ քթածակը բութ մատով եւ շնչեք ձախ քթածակով՝ հաշվելով մինչեւ չորսը:  Այնուհետեւ փակեք ձախ քթածակը մատնեմատով, հաշվեք մինչեւ չորսը, ապա բաց թողեք աջ քթածակը եւ կրկին շնչեք՝ հաշվելով մինչեւ չորսը: Կրկնեք այնքան ժամանակ, մինչեւ հանգստություն կզգաք:

5. Հետ հաշվարկ

Մտնելով անկողին՝ փորձեք հարյուրից ետ հաշվել մինչեւ մեկը: Կատարեք այն դանդաղ՝ մեկ վայրկյան դադար առնելով՝ 100...99...98: Մի շտապեք: «Գաղտնիքը հետեւյալն է. եթե դուք խախտել եք հաշիվը, ստիպված եք նորից սկսել: Մի հուսահատվեք, մեղմ վերաբերեք ինքներդ Ձեզ եւ նորից սկսեք հետ հաշվարկը»,- ասում է հիպոթերապեւտ  Ֆիլիպ Մանդելը Օրեգոն նահանգի Բեւերտոնից:

6. Ղեկավարվող պատկերներ

«Ղեկավարվող պատկերները օգնում են ակտիվացնել ուղեղի ալիքների գործունեությունը, որը նպաստում է խորը եւ հանգիստ քնի», - ասել է հոգեթերապեւտ Լեսլի Դեվենպորտը:

Այն անելու համար պատկերացրեք թելի մի փոքրիկ կծիկ: Պատկերացրեք, որ այդ կծիկի մեջ է գտնվում  Ձեր լարվածությունը: Քաշեք ծայրը եւ պատկերացրեք, թե ինչպես է այն քանդվում: Պատկերացրեք, թե ինչպես են թելերը գլորվում հատակին՝ զբաղեցնելով ավելի ու ավելի մեծ տարածքներ: «Երբ դուք թելեր եք պատկերացնում, պատկերացրեք, թե ինչպես  է դուրս գալիս Ձեր ներսում առկա սթրեսը: Եվ ապա պատկերացրեք, որ թելի նման հանգիստ պառկած եք հատակին»,- ասել է Դեվենպորտը:

Հետևեք NEWS.am Medicine-ին Facebook-ում և Twitter-ում