Հայաստանն աշխարհից չպետք է հետ մնա. Յուրի Օգանեսյանը՝ Ռադիոիզոտոպների արտադրության կենտրոնի մասին

Զարգացած շատ երկրներում Ռադիոիզոտոպների արտադրության կենտրոններ կան, եւ Հայաստանը չպետք է հետ մնա մնացյալ աշխարհից: Ռադիոիզոտոպների արտադրության տեղական կենտրոնը 95 տոկոսով պատրաստ է, մնացել է կատարել միայն վերջին քայլը, որն արդեն 2 տարի ոչ մի կերպ չեն կարողանում անել: Այս գործընթացը հարկավոր է արագացնել, պնդում է հայտնի գիտնական, փորձարարական միջուկային ֆիզիկայի ոլորտի մասնագետ Յուրի Օգանեսյանը, որի պատվին է կոչվել օգանեսոն քիմիական տարրը:

Նրա խոսքով՝ արագացուցիչը, որը պատվիրվել էր այդ կենտրոնի համար, տարբերվում է, քանի որ կարելի է օգտագործել ինչպես հետազոտություններում, այնպես էլ հիվանդությունների բուժման մեջ: Գիտնականի խոսքով՝ հայ ֆիզիկոսները անհամբերությամբ են սպասում այս արագացուցչով աշխատել սկսելու հնարավորությանը: Իսկ ախտորոշման հնարավորությունները, որ կարող է առաջարկել Ռադիոիզոտոպների արտադրության կենտրոնը, մեծ պահանջարկ ու Հայաստանի համար մեծ նշանակություն կունենան:

«Մենք արդեն երկար ժամանակ աշխատում ենք, որ այս կենտրոնը գործի, եւ որ մարդիկ կարողանան այնտեղ ախտորոշում անցնել, որից հետո կարելի է արդեն մտածել նաեւ բուժման մասին, օրինակ՝ քաղցկեղի»,- նշեց Օգանեսյանը:

Նա հավելեց, որ Հայաստանը կարող էր այս ոլորտում առաջատար լինել, սակայն առայժմ ժամանակն անցնում է, իսկ Ռադիոիզոտոպների արտադրության կենտրոնը դեռ չի գործում:

Մեծ հարց է՝ արդյոք Հայաստանին պետք էր նման կենտրոն՝ նախարարը ռադիոիզոտոպների կենտրոնի մասին

Դեռ հարկավոր է ուսումնասիրել, թե Իզոտոպների արտադրության կենտրոնն ինչու չի գործարկվել, սակայն կարեւորն այն գործարկելն է. նախարար

Շատ տարօրինակ պատմություն է․ մի քանի միլիարդ ծախսել ենք, կողպեքով փակել․ Փաշինյանը՝ Ռադիոիզոտոպների կենտրոնի մասին

Հետևեք NEWS.am Medicine-ին Facebook-ում և Twitter-ում