Կապ է հայտնաբերվել կանանց շրջանում ատամների կորստի եւ հիպերտոնիայի զարգացման միջեւ:
American Journal of Hypertension-ը հայտնում է, որ Նյու Յորք նահանգի համալսարանի մասնագետները հետազոտության շրջանակում վերլուծել են դաշտանադադարի շրջանում գտնվող 36 692 կանանց տվյալները, որոնք 1998-ից 2015 թվականների ժամանակահատվածում ատամնաբույժի են այցելել պերիոդոնտիտի պատճառով: Պարզվել է՝ այն կանանց շրջանում, ում ատամները թափվել էին, հիպերտոնիայի զարգացման հավանականությունը 20 տոկոսով ավելի բարձր է եղել:
Փորձագետների կարծիքով՝ երիտասարդ եւ շատ նիհար կանանց դեպքում համանման վտանգը կարող է էլ ավելի զգալի լինել:
Գիտնականներն ուշադրություն են դարձնում այն հանգամանքին, որ ատամների խնդիրների դեպքում մարդը սկսում է խուսափել սնունդի մեջ առավել կոշտ մթերքների գործածումից, որոնց մեջ կարող են մտնել նաեւ թարմ մրգերն ու բանջարեղենը: Փոխարենը՝ նա սկսում է իր սննդակարգի մեջ ընդգրկել փափուկ, ջերմային մշակման ենթարկված մթերքներ:
«Սննդակարգում նման փոփոխությունները կարող են կապված լինել հիպերտոնիայի զարգացման մեծ հավանականության հետ»,- նշում են մասնագետները:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր