Կինը 30 տարի ապրել է ողնաշարի մեջ ոսկյա ասեղներով։
The Daily Mail-ը հայտնում է, որ Տորոնտոյի հիվանդանոցներից մեկն է դիմել 94-ամյա մի կին, որի անունը չի նշվում։ Նա տառապել է թուլամտությամբ եւ հոսպիտալացվել է աստիճանավանդակից ընկնելուց հետո։ Բժիշկների զարմանքը մեծ էր, երբ ռենտգենը ցույց է տվել, որ նրա ողնաշարում ասեղնաբուժության համար նախատեսված ասեղներ կան։
Պարզվել է, որ ասեղները կնոջ մարմնում են գտնվում արդեն 30 տարի։ Հենց այդ ժամանակ է նա այցելել ասեղնաբուժության կորեական կլինիկա։ Միաժամանակ, նշյալ կլինիկայում ոսկյա ասեղները դնում են մաշկի տակ, քանի որ համարվում է, որ այն պետք է մեղմի պացիենտի ցավը։ Բացի այդ, կորեական մշակույթում ոսկին ասոցացվում է հարստության հետ։
Հաշվի առնելով, որ տարեց կինը այլընտրանքային բժշկության կողմնակի ազդեցություններից չի տառապել, միզուղիների վարակի բուժումից հետո դուրս են գրել հիվանդանոցից։
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր