Քաղցկեղի մասին 4 ամենավտանգավոր առասպելները

3 հունվարի, 2019  20:23

Չնայած վերջին ժամանակներս քաղցկեղի մասին շատ բան է ասվել, դրա մասին վտանգավոր առասպելները դեռեւս տարածված են: Ահա այդ առասպելներից մի քանիսը.

Առասպել 1. Քաղցկեղը դատավճիռ է։

Նախկինում քաղցկեղի շատ տեսակներ իսկապես դատավճիռ էին, բայց ոչ այսօր: Վիրաբուժության, քիմիաթերապիայի եւ ճառագայթային թերապիայի ձեռքբերումների շնորհիվ քաղցկեղի շատ տեսակներ այժմ հաջողությամբ ենթակա են բուժման, հատկապես եթե դրանք հայտնաբերվել են ժամանակին: Հաճախ, նույնիսկ ուշ փուլերում, կարելի է հասնել կայուն նահանջի։ Այնպես որ, եթե դուք ունեք քաղցկեղ, խուճապի մի՛ մատնվեք։ Պարզապես դիմեք փորձառու մասնագետի:

Առասպել 2. Մազերը կթափվեն քիմիաթերապիայից:

Որոշ հիվանդներ վախենում են քիմիաթերապիայից՝ մտածելով, որ դրանից անպայման կթափվեն մազերը: Որոշ քիմաթերապեւտիկ դեղամիջոցներ իսկապես հանգեցնում են մազաթափության, սակայն քիչ չեն նաեւ դեղերը, որոնք չունեն նման կողմնակի ազդեցություն:

Նույնիսկ եթե ձեր մազերը թափվել են քիմիաթերապիայի պատճառով, ապա անպայման դրանք նորից կաճեն բուժումից հետո, ուստի մազերի մասին անհանգստանալու կարիք չկա`կենտրոնացե՛ք բուժման վրա:

Առասպել 3. Քաղցկեղը վարակիչ է:

Քաղցկեղը վարակիչ հիվանդություն չի համարվում, եւ քաղցկեղով հնարավոր չէ վարակվել: Այնուամենայնիվ, կան քաղցկեղածին վիրուսներ (օրինակ, մարդու պապիլոմավիրուսը), որոնցով հնարավոր է վարակվել, եւ որոնք, օրգանիզմ ընկնելով, կարող են հանգեցնել քաղցկեղի զարգացմանը (առավել հաճախ`արգանդի վզիկի, կոկորդի, բերանի մակերեսի եւ այլն): Դուք կարող եք պաշտպանվել այդ վիրուսներից պատվաստման միջոցով եւ, իհարկե, պահպանակի:

Առասպել 4. Քաղցկեղը փոխանցվում է ժառանգաբար

Որոշ գեներ եւ դրանց մուտացիաները իսկապես կապված են քաղցկեղի զարգացման բարձր ռիսկի հետ: Այնուամենայնիվ, եթե որեւէ մեկի մոտ ախտորոշվել է քաղցկեղ, դա դեռեւս չի նշանակում, որ իր երեխաները եւս կունենան այդ հիվանդությունը:

Եթե ձեր ընտանիքում քաղցկեղով հիվանդ մարդիկ ունեք, դուք պետք է ավելի ուշադիր լինեք ձեր առողջության հանդեպ, հնարավորինս առողջ կյանք վարեք եւ գնաք կանխարգելիչ հետազոտությունների, նույնիսկ եթե անհանգստացնող ախտանիշներ չունեք:

Հետևեք NEWS.am Medicine-ին Facebook-ում և Twitter-ում

loading...

  • Տեսանյութեր
 
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Դուք որքա՞ն փող եք պատրաստ ամեն ամիս նվիրաբերել քաղցկեղով հիվանդների օգնության համար:
2500 դրամ
5000 դրամ
10 000 դրամից ավելի
Ոչ մի