Ղարաբաղում մարտերի ժամանակ  վիրավորված Ավետիս Զարգարյանի վիրահատությունը բարեհաջող է անցել

8 փետրվարի, 2019  18:30

Փետրվարի 8-ին քառօրյա պատերազմում վիրավորված Ավետիս Զարգարյանի վիրահատությունը բարեհաջող է անցել: Այս մասին Facebook-ի իր էջում հայտնել է ԵՊԲՀ  մամուլի քարտուղար Շուշան Դանիելյանը:

«Այսօր համալսարանական հիվանդանոցի լավագույն բժիշկները, Արմեն Մուրադյանի գլխավորությամբ, վիրահատեցին լավագույնին՝ մեր Ավետիս Զարգարյանին: Վիրահատությունը բարեհաջող է անցել, Ավետիսն արդեն իրեն լավ է զգում», - տեղեկացրել է Դանիելյանը:

Ավետիս Զարգարյանը վիրավորվել էր 2016-ի ապրիլին՝ Թալիշում: Փամփուշտն անցել էր ծնոտի միջով, վնասել ողնաշարը: Ավետիսը 3 տարի առաջ չէր կարողանում խոսել, ուտել:

«Այսօր, համեստ, քչախոս, բայց ուժեղ բնավորությամբ երիտասարդն արդեն խոսում է, տրամադրությունը լավ է, ինքնազգացողությունը՝ նորմալ, տրամադրված է մարտական, և վստահ է, որ ամեն ինչ լավ է լինելու»,-նշել է նա:

Զարգարյանների ընտանիքը Արցախի Շահումյան շրջանի Գետաշեն գյուղից է: Ղարաբաղյան պատերազմի ժամանակ ընտանիքը հաստատվել է Գեղարքունիքի մարզի Վարդենիս գյուղում: Այնուհետ ընտանիքը ժամանակավորապես տեղափոխվել է Ռուսաստան: Հայրենիք վերադառնալով՝ պատանին 1,3 տարի որպես ժամկետային զինծառայող ծառայել է Արցախի բանակում:

Հետևեք NEWS.am Medicine-ին Facebook-ում և Twitter-ում

loading...

  • Տեսանյութեր
 
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Դուք որքա՞ն փող եք պատրաստ ամեն ամիս նվիրաբերել հոգեկան հիվանդների վերականգնման համար:
2500 դրամ
5000 դրամ
10 000 դրամից ավելի
Ոչ մի