Լավ չտապակած խոզի միսը դարձել է Հնդկաստանից 18-ամյա պատանու մահվան պատճառը: The New England Journal of Medicine-ը հայտնում է, որ տղան, ում անունը չի հրապարակվում, հոսպտալացվել է նոպաներից հետո, որոնք ուղեկցվել են գիտակցության կորստով: ՄՌՏ-ով գլխուղեղում բազմաթիվ կիստաներ են հայտնաբերվել, որոնք նեյրոցիստիցերկոզի հետեւանք էին:
Նեյրոցիստիցերկոզը կենտրոնական նյարդային համակարգի մակաբուծային ինֆեկցիա է, որի պատճառը Taenia solium խոզի երիզորդն է: Մարդկանց վարակումը տեղի է ունենում ոչ բավարար ջերմային մշակման ենթարկված սնունդի, հատկապես խոզի մսի գործածման դեպքում: Դրանից բացի, վտանգ կարող է ներկայացնել երիզորդի ձվերով աղտոտված ջուրը: Նեյրոցիստիցերկոզը աշխարհում ջղակծկումային նոպաների ամենատարածված պատճառն է:
Պատանու ծնողները պատմել են, որ մեկ շաբաթ առաջ նա սկսել է գանգատվել աճուկի ցավերից: Այնուհետեւ նրա մոտ սկսվել են տոնիկ-կլոնիկ նոպաներ, որոնք բնորոշվում են ուժեղ ջղակծկումներով եւ գիտակցության խանգարմամբ: Պարզվել է, որ մակաբուծային ինֆեկցիան տարածվել դեպի գլխուղեղի կեղեւ եւ ուղեղիկ:
Չնայած դեկսամետազոնով եւ հակաէպիլեպտիկ դեղամիջոցներով բուժմանը, տղայի կյանքը փրկել չի հաջողվել:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր