Հունաստանում անպտուղ կինը երեխա է ունեցել երեք ծնողներից

Հունաստանում 32-ամյա կինը երեխա է ունեցել երեք ծնողներից: Նա նախկինում բուժվել է անպտղության դեմ եւ ունեցել ԱՄԲ միջոցով հղիանալու չորս անհաջող փորձ:

2,9 կգ կշռող տղան ծնվել է ապրիլի 9-ին եւ բժիշկների մշտական հսկողության տակ է: Բժիշկներն այսօրվա դրությամբ դրական են գնահատում մոր եւ երեխայի առողջական վիճակը: Փոքրիկը միջուկային ԴՆԹ-ն, որից կախված են նրա բոլոր առանձնահատկությունները, ժառանգել է կենսաբանական մորից: Միտոքոնդրիումային ԴՆԹ-ն, որը 37 գեն է պարունակում (գենոմի 1 տոկոսը), երեխան ստացել է դոնոր կնոջից:

Այս միջամտությունը թույլ է տալիս խուսափել մոր կողմից մուտացիաների ազդեցությունից, որոնք կարող են երեխայի մոտ գենետիկ հիվանդություններ զարգացնել: Երեք ծնողներից երեխայի ծնունդը նորություն չէ. այդպիսի առաջին երեխան լույս աշխարհ է եկել 2016 թվականի ապրիլին Մեքսիկայում:

Հետևեք NEWS.am Medicine-ին Facebook-ում և Twitter-ում