• Latest news

Սմարթֆոնները ճարպակալում են առաջացնում. հետազոտություն

27 հուլիսի, 2019  12:55

Սմարթֆոններից կախվածությունը կարող է ճարպակալում առաջացնել։ Սիմոն Բոլիվարի համալսարանի (Կոլումբիա) իրականացրած հետազոտության համաձայն՝ նրանք, ովքեր սմարթֆոններին օրը հինգ եւ ավելի ժամ են հատկացնում, 43 տոկոսով ավելի շատ են ենթակա ճարպակալման վտանգին։

Հետազոտության շրջանակում 2018 թվականի հունիսից մինչեւ դեկտեմբեր դիտարկվել է 1000 ուսանող։ Պարզվել է, որ սմարթֆոնների երկարատեւ օգտագործումը բարձրացնում է հավանականությունը, որ մարդն ավելի հաճախ օգտագործի քաղցր ըմպելիքներ եւ ֆասթֆուդ։ Բացի այդ, գաջեթներից կախվածությունը զգալիորեն նվազեցնում է ֆիզիկական ակտիվությունը։

Ավելորդ քաշ ունեցող փորձարկվողների մոտ 25 եւ ճարպակալում ունեցողների մոտ 5 տոկոսը սմարթֆոններին օրական տրամադրել է ավելի քան հինգ ժամ։ Միեւնույն ժամանակ, կանայք, որոնք բջջային սարքերի մոտ օրը հինգ ժամից ավելի են անցկացրել, երկու անգամ ավելի հաճախ են տառապել ավելորդ քաշից, քան տղամարդիկ։

Գիտնականները դա կապում են այն բանի հետ, որ սմարթֆոններից կախվածությունն առաջ է բերում նստած կենսակերպ։ Այնինչ ֆիզիկական ակտիվության նվազումը բարձրացնում է վաղաժամ մահվան, դիաբետի, սրտի հիվանդությունների եւ քաղցկեղի առաջացման ռիսկը։

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել