Որքա՞ն ֆինանսավորում են ստացել ԲԿ-ները պետպատվերի շրջանակում դժվարամատչելի ախտորոշիչ հետազոտությունների համար

5 սեպտեմբերի, 2019 14:09

Դժվարամատչելի ախտորոշիչ հետազոտությունների մասով պետական պատվերի գումարների բաշխման գործընացը եւ 2019 թվականի բյուջեի հաշվարկներն իրականացվել են Երևանում և Հայաստանի մարզերում տեղակայված կազմակերպությունների բժշկական օգնության և սպասարկման ծառայություններից օգտվելու հավասար պայմաններ ապահովելու նպատակով:

Ինչպես տեղեկացնում է ՀՀ Առողջապահության նախարարությունը, պետական պատվերը բաշխվում է համաձայն կառավարության 318-Ն որոշման, ըստ որի` հաշվի են առնվում փաստացի կատարած աշխատանքները նախորդ և ընթացիկ տարվա ընթացքում, ինչպես նաև կենտրոնների վերջին տարիների նորագույն սարքավորումներով վերազինումը, նոր ծառայությունների մատուցումը, թարմացված կադրային ռեսուրսը, նորագույն և բարձր տեխնոլոգիաներով բժշկական սպասարկման ծառայությունների կիրառումը, նորացված լաբորատոր և գործիքային ախտորոշիչ հետազոտություններ իրականացնելու հնարավորությունները և այլն:

Արդյունքում իրականացվում է սպասարկվող բժշկական դեպքերի թվի աճի կանխատեսում, որի հիման վրա հաշվարկվում են բաշխվող և վերաբաշխվող ֆինանսական միջոցները:

Ստորև աղյուսակի տեսքով ներկայացված է 2018, 2019 թվականի թվով 10 կազմակերպություններին հատկացված ֆինանսական միջոցները և 2019 թվականի օգոստոսի վերաբաշխումը:

	Կազմակերպության անվանումը	Մարզ	2018 թվականի պայմանա-գրային գումար	2019 թվականի պայմանա- գրային գումար (01.01.19 դրությամբ)	2019 թվականի պայմանա- գրային գումար (01.08.19 դրությամբ)
	Կազմակերպության անվանումը	Մարզ	2018 թվականի պայմանա-գրային գումար		2019 թվականի պայմանա- գրային գումար (01.08.19 դրությամբ)
1	Արմամաքս ՍՊԸ	Երևան	200601,5	90601,5	148 209,9
2	Սուրբ Գրիգոր Լուսավորիչ բժշկական կենտրոն ՓԲԸ	Երևան	60110,6	70551,3	125 284,5
3	Նաթալի ֆարմ ՍՊԸ Աստղիկ բժշկական կենտրոն	Երևան	47691,0	54726,4	94 727,0
4	ՄԻԲՍ ՍՊԸ	Երևան	25148,0	57037,6	86 934,5
5	Էրեբունի բժշկական կենտրոն ՓԲԸ	Երևան	30695,0	55146,7	81 999,6
6	Արմենիա հանրապետական բժշկական կենտրոն ՓԲԸ	Երևան	46689,7	54497,6	79 518,1
7	Արաբկիր Բժշկական Համալիր ԵԴԱԻ ՍՊԸ	Երևան	37806,4	45265,4	67 343,9
8	Երեւանի Մխիթար Հերացու անվան պետական բժշկական համալսարան Հիմնադրամ	Երևան	36180,5	51785,7	60 803,8
9	Դիագնոստիկա բժշկական միավորում ԲԲԸ	Երևան	40251,4	40259,0	51 752,8
10	Իզմիրլյան բժշկական կենտրոն ՓԲԸ	Երևան	24045,5	36850,6	49 029,0