Երեխաների մոտ ուշադրության պակասի եւ հիպերակտիվության ախտանիշի զարգացման պատճառ կարող են լինել արյան մեջ քրոմի, մագնիումի եւ ցինկի ցածր մակարդակը՝ պնդում են Պ.Գ.Դեմիդովի անվան Յարոսլավլի պետական համալսարանի մասնագետները:
ՏԱՍՍ-ի հաղորդմամբ՝ այդ ախտանիշի դեպքերի 60-80 տոկոսը պայմանավորված է գենետիկ հակվածությամբ: Ռուս գիտնականները վերլուծել են հիպերակտիվության ախտանիշով 100 երեխաների եւ առողջ 100 երեխաների մազերի եւ արյան մեջ տարբեր տարրերի պարունակությունը: Պարզվել է, որ հիպերակտիվության ախտանիշով նախադպրոցական տարիքի երեխաների մոտ քրոմի, մագնիումի եւ ցինկի կոնցենտրացիան ցածր է, իսկ պնձի մակարդակը՝ բարձր, քան առողջ երեխաների մոտ: Բացառված չէ, որ հենց պնձի եւ ցինկի հարաբերակցության պակասն է կարեւոր դեր խաղում այդ ախտանիշի զարգացման համար:
Գիտնականները նաեւ մազերի սպեկտրալ հետազոտություն են անցկացրել, որը ցույց է տվել որոշակի ժամանակի ընթացքում միկրոտարրերի կոնցենտրացիայում փոփոխությունները: Պարզվել է, որ այդ ախտանիշով երեխաների մոտ կոբալտի, մարգանեցի, ցինկի եւ մագնիումի պարունակությունը նվազել է:
Այդ ամենը, գիտնականների խոսքով, ցույց է տալիս փոքր երեխաների բալանսավորված սննդի կարեւորությունը:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր