• Latest news

Վրաստանում ժամանակավորապես դադարեցվել է կորոնավիրուսի բուժման համար հիդրօքսիքլորոքինի կիրառումը

29 մայիսի, 2020  20:37

Վրաստանում ժամանակավորապես դադարեցվել է կորոնավիրուսի բուժման համար հիդրօքսիքլորոքինի կիրառումը: Որոշումն ընդունվել է կլինիկական խմբի հանդիպման ժամանակ, հաղորդում է «ԻնտերպրեսՆյուզ»-ը:

Որոշումն ընդունվել է սոլիդարության հետազոտության շրջանակում: Առողջապահության փոխնախարար Թամար Գաբունիայի խոսքով՝ Վրաստանը՝ որպես հետազոտության մասնակից երկիր, կիսում է ԱՀԿ-ի խորհուրդները եւ, համապատասխանաբար, ժամանակավորապես դադարեցնում է «Պլակվենիլի» կիրառումը:

«Բացառված չէ, որ հավելյալ ապացույցների հայտնվելուն պես «Պլակվենիլը» կրկին կկիրառվի: Սակայն դեռ հիմքեր չկան այդ մասին խոսելու համար, եւ պետք է սպասենք իրադարձությունների զարգացմանը»,-ասել է Գաբունիան:

Նրա խոսքով՝ Վրաստանում «Պլակվենիլը» մշտապես կիրառվել է դրա կողմնակի էֆեկտների ինտենսիվ մոնիթորինգի ռեժիմում:

«Պացիենտների մոտ, որոնք ստացել են «Պլակվենիլ», լավ արդյունք է եղել: Այդ դեպքում կլինիցիստները խոսում են հիվանդության ընթացի կրճատման մասին, դրա ֆոնին պացիենտների մոտ լուրջ կողմնակի էֆեկտներ չեն եղել»,-ասել է փոխնախարարը:

Վրաստանի ԱՆ տվյալների համաձայն՝ նախարարությունը բուժման նոր միջոցը կհաստատի հաջորդ շաբաթ: 

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել