Կորոնավիրուսի դեմ գոյություն ունեցող պատվաստանյութերն արդյունավետ կլինեն նաեւ կորոնավիրուսի նոր շտամի դեմ, որն այժմ տարածվում է Մեծ Բրիտանիայում: Այս կարծիքը URA.RU-ին տված հարցազրույցում հայտնել է վիրուսաբան, կենսաբանական գիտությունների դոկտոր Ալեքսեյ Ագրանովսկին (Ռուսաստան):
Նոր մոդիֆիկացիան, կարծես, վիրուսն ավելի վարակիչ է դարձնում, ընդ որում` առանց վիրուսի անտիգենային կառուցվածքի փոփոխության: Ինչպես բացատրում են մասնագետները, եթե էտիտոպների (անտիգենի մակրոմոլեկուլի մի մաս) վիրուսային սպիտակուցի մեջ փոփոխություններ տեղի չեն ունեցել, ապա հակամարմինները կկարողանան դրանք գրոհել:
Մասնագետը կարծում է, որ Մեծ Բրիտանիայում հայտնաբերված նոր շտամը կարող է վտանգ ներկայացնել ռուսաստանցիների համար, ուստի խորհուրդ է տրվում փակել օդային հաղորդակցությունն այդ երկրի հետ:
Հիշեցնենք, որ դեկտեմբերի 14-ին Մեծ Բրիտանիայի առողջապահության նախարար Մեթյու Հենքոկը հայտնել էր երկրում SARS-CoV-2 կորոնավիրուսի նոր շտամի հայտնաբերման մասին: Մուտացված ձեւն ավելի արագ է տարածվում, քան նախնականը եւ ավելի հեշտությամբ է մարդուց մարդուն փոխանցվում: Շատ երկրներ արդեն փակել են տրանսպորտային հաղորդակցությունը Մեծ Բրիտանիայի հետ:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր