Կրծքի իմպլանտները Մերիլին Մոնրոյի նմանությամբ ֆիզիկական տվյալներ ունենալու ցանկություն ունեցող կանանց կարող են նշանակալի ինքնավստահություն ներշնչել: Սակայն պարզվում է՝ կրծքի չափերի փոփոխմանը միտված իմպլանտները, ինքնավստահություն ներշնչելուց եւ կրքոտ տեսք ապահովելուց բացի, կարող են նաեւ մաքսանենգության նպատակով կիրառվել: Ընդհանուր առմամբ, արգելված իրերը ինտիմ վայրերում պահելու ավանդույթը վաղուց արդեն լայն տարածում է ստացել: Բայց որ թմրանյութը կարելի է նաեւ կրծքի իմպլանտի մեջ թաքցնել՝ օրինապահությամբ աչքի չընկնող կանայք բոլորովին վերջերս են պարզել: Մասնավորապես, մի քանի օր առաջ Մադրիդի Ադոլֆո Սուարեսի անվան օդանավակայանում հիշյալ մեղադրանքով վենեսուելացի կին է ձերբակալվել, հաղորդում է Medical Daily-ն:
Կոլումբիայի մայրաքաղաք Բոգոտայից Մադրիդ ժամանած ինքնաթիռի ուղեւորները մշտապես ոստիկանության թմրանյութերի ապօրինի շրջանառության դեմ պայքարի բաժնի աշխատակիցների կողմից ստուգման են ենթարկվում, որոնք էլ, մի քանի պարզագույն հարցուպատասխանի ընթացքում, 43-ամյա կնոջ պահվածքի մեջ տարօրինակություններ են նկատել: Այդուհանդերձ, ուղեբեռի ստուգման արդյունքում ոչինչ չի հայտնաբերվել: Եւ միայն կին գործակալների կողմից ֆիզիկական զննման արդյունքում է պարզվել, որ «ուղեւորուհու կրծքերը որոշակի անկանոն եւ տձեւ արտաքինով են աչքի ընկնում»: Կարճ ժամանակ անց վերջինս խոստովանել է, որ կրծքի իմպլանտների մեջ կոկաին է կրում: Նրան օդանավակայինից անմիջապես հիվանդանոց են տեղափոխել՝ իմպլանտները հեռացնելու նպատակով: Վիրահատությունից հետո էլ վենեսուելացու դեմ քրեական գործ է հարուցվել եւ ձերբակալման օրդեր իջեցվել:
Երկու տարի առաջ նմանատիպ մի դեպք էլ Իսպանիայի Բարսելոնա քաղաքում է գրանցվել, երբ կրծքի՝ կոկաինով լի իմպլատներ կրող պանամացի 33-ամյա կին էր ձերբակալվել: Ընդ որում, մաքսանենգ ճանապարհով տեղափոխվող թմրանյութի (շուրջ 1,5 կգ) արժեքն ավելի քան 130 հազար ԱՄՆ դոլար էր գնահատվել: Բարեբախտաբար, ոստիկաններին հաջողվել էր հանցագործությունը ժամանակին բացահայտել, քանի որ, ինչպես հետագայում պիտի պարզվեր, իմպլանտների տեղադրմանը միտված վիրահատությունը խիստ անհաջող էր իրականացվել եւ կարող էր Յերալդինա անունով ներկայացած կնոջը գերեզման հասցնել:
Փորձենք հասկանանք՝ թե ինչպես են հաջողացնում կոկաինը իմպլանտի մեջ թաքցնել: Նյու-Յորքում մասնագիտական պրակտիկա իրականացնող հանրահայտ պլաստիկ վիրաբույժ դոկտոր Մեթյու Շուլմանի խոսքով, իմպլանտը կոկաինով լցնելու համար հարկավոր է իմպլանտի մեջ առկա ստերիլ աղաջրից ազատվել:
Որոշ մաքսանենգ կանայք էլ, կրծքի իմպլանտների պատճառած սեքսոուալ տեսքի շնորհիվ ուշադրություն շեղելու միջոցով են թմրանյութ տեղափոխում: Խոսքը, մասնավորապես, կոլումբիացի մոդել Էնջի Սանկլամենտեին է վերաբերում, ով մի շարք այլ՝ սեքսուալ տեսք ունեցող կանանց հետ փորձել էր ճամպրուկներով թմրանյութ տեղափոխել:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր