• Latest news

Ինչու՞ են որոշ մարդիկ անձեռնմխելի կորոնավիրուսի նկատմամբ

2 օգոստոսի, 2021  13:22

Ինտերֆերոն ալֆայի բարձր մակարդակով, արյան մեջ լիմֆոցիտների բարձր մակարդակով եւ որոշակի գենետիկական մարկերներով մարդիկ կարող են կորոնավիրուսից բարձր պաշտպանվածություն ունենալ:

Նման կարծիք է հայտնել Ռուսաստանի գիտությունների ակադեմիայի ակադեմիկոս, Պաստերի համաճարակաբանության եւ մանրէաբանության հետազոտական ​​ինստիտուտի տնօրեն Արեգ Թոթոլյանը:

Ինչպես պատմում է «Իզվեստիա»-ն, կան այլ գործոններ, որոնք կորոնավիրուսից պաշտպանություն են ապահովում, սակայն դրանց վերաբերյալ հետազոտությունները դեռ նոր են սկսվում:

Թոթոլյանը նշեց, որ առաջին պաշտպանական գործոնը տեղական պաշտպանության մակարդակն է: Կորոնավիրուսային վարակը մարմն է մտնում վերին շնչուղիների միջոցով, և եթե մարմինը ունի ինտերֆերոն ալֆայի բարձր մակարդակ, վարակի վտանգը նվազում է: Ինտերֆերոն ալֆան մոլեկուլ է, որը սինթեզվում եւ արտադրվում է իմունային համակարգի բջիջների կողմից, այն ունի անմիջական հակավիրուսային ազդեցություն:

Երկրորդ գործոնը գենետիկական մարկերներն են, որոնք կոդավորում են մարդկանց իմունային պատասխանը:

«Մենք հայտնաբերել ենք երկու պաշտպանիչ ալել եւ մեկը, որը նախատրամադրում է հիվանդությանը: Դրանք հետազոտության ամենաառաջին արդյունքներն են, այն շարունակվում է, ընդ որում՝ ակտիվ փուլում»,- ասաց Թոթոլյանը:

Բացի այդ, լիմֆոցիտների բարձր մակարդակը նշանակում է, որ անձը վարակվելու ավելի քիչ հավանականություն ունի, եւ եթե դա տեղի ունենա, ավելի քիչ հավանական է, որ հիվանդությունը ծանր կընթանա:


Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Վստահու՞մ եք արդյոք ժողովրդական բժշկությանը։
Այո, գրեթե միշտ ժողովրդական բժշկությանն եմ դիմում։
Որոշ ճիշտ բաներ ժողովրդական բժշկության մեջ երեւի կան։
Ոչ, միայն գիտահեն բժշկությանն եմ վստահում։