• Latest news

Գիտնականները աչքի վտանգավոր քաղցկեղի զարգացման մեխանիզմ են բացահայտել

16 սեպտեմբերի, 2021  11:49

Ուվեալ մելանոմայի՝ աչքի քաղցկեղի մահացու տեսակի զարգացումը կապված է ինհիբիտորային համալիր 1-ի (PRC1) կորստի հետ, դրանք մի խումբ սպիտակուցներ են, որոնք կարգավորում են գենի արտահայտումը: Այս մասին հաղորդվում է ԱՄՆ-ի մասնագետների ուսումնասիրության մեջ, որը հրապարակվել է Nature Communications ամսագրում:

Վիրահատական միջամտությունը եւ ռադիոթերապիան աչքի հյուսվածքներում ձեւավորվող ուվեալ մելանոմայի բուժման առավել տարածված միջոցներն են: Սակայն այս հիվանդությամբ պացիենտների կեսից ավելիի մոտ լյարդում մետաստազներ են առաջանում, ինչը հանգեցնում է նրանց մահվան: Մինչեւ վերջերս գիտնականները բացատրություն չունեին այս երեւույթի համար:

Քորնելի, Կալիֆոռնիայի եւ Ստենֆորդի համալսարանների հետազոտողները բջջային մակարդակում օգտագործել են գենետիկ, էպիգենետիկ եւ կառուցվածքային-ֆունկցիոնալ անալիզներ՝ պարզելու համար, որ ուվեալ մելանոման զարգանում է PRC1-ի կորստի պատճառով: Այն հանգեցնում է գեների արտահայտման անոմալիաների եւ միտոզի ժամանակ քրոմոսոմների քայքայման սխալների: Դրանց պատճառած բորբոքային գործընթացը ուռուցքն ավելի ագրեսիվ է դարձնում:

Այս բացահայտումը կարող է օգնել վաղ թերապեւտիկ միջամտությունների միջոցների մշակման հարցում` ուվեալ մելանոմայի մետաստազները կանխելու համար:

 

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն եք պատրաստ վճարել բժշկական ապահովագրության համար։
Աշխատավարձի 7-10 տոկոսը
10 000 դրամ եւ ավելի
Մինչեւ 10 000 դրամ
Մինչեւ 5000 դրամ
Ոչ մի դրամ