Ինչու՞ է սթրեսը որովայնի մեծացման հանգեցնում

Շատերի մոտ սթրեսի պատճառով որովայնը սկսում է մեծանալ։ Սննդաբան Լյուբով Պիշչալկինայի (Ռուսաստան) կարծիքով՝ դրա մեղավորը կորտիզոլ հորմոնն է։

Կորտիզոլը սթրեսի հորմոն է, եւ երբ այն շատ է արտադրվում, օրգանիզմը սկսում է ավելի արագ մաշվել եւ ծերանալ: Կորտիզոլը հատկապես բացասաբար է ազդում անոթների եւ սրտի վրա։ Կորտիզոլը նաեւ որովայնի մեծացման է հանգեցնում: Ավելին, խնդիրն այն է, որ, որպես կանոն, դուք չեք կարող կորտիզոլային որովայնից «ազատվել» դիետայի եւ վարժությունների միջոցով:

«Կորտիզոլը պաշտպանիչ հորմոն է։ Երբ մենք վտանգի մեջ ենք, մեզ ամուր ոտքեր եւ ձեռքեր են պետք՝ վազելու համար, իսկ ճարպը պաշար է սոված օրվա համար: Պահպանված ճարպը պաշտպանում է կենսական օրգանները եւ ապահովում սնուցումը: Որովայնն իդեալական տեղ է»,- ասել է մասնագետը։

Ժամանակակից մարդը մեծ սթրեսի է բախվում, եւ կորտիզոլը հաճախ մնում է նրա օրգանիզմում: Արդյունքում երիտասարդանում են, այսպես կոչված, ծերության հիվանդությունները՝ շաքարային դիաբետը, օստեոպորոզը եւ սրտանոթային պաթոլոգիաները։

Կորտիզոլի ազդեցության տակ օրգանիզմը բառացիորեն մաշվում է: Բայց այս հորմոնի կործանարար ազդեցությունը, ըստ փորձագետի, կարելի է նվազեցնել.

• փորձեք գլխանց սթրեսի մեջ չընկնել,
• եթե ​​տհաճ իրավիճակն անխուսափելի է, շատ մի մտածեք դրա մասին եւ մանրամասն մի քննարկեք այն,
• սահմանափակեք շփումը կասկածելի մարդկանց եւ պանիկյորների հետ,
• փորձեք քնել օրական առնվազն 8 ժամ,
• արագ հանգստանալու համար շնչառական վարժություններ կիրառեք,
• ավելի հաճախ ժամանակ անցկացրեք արեւի տակ եւ դրսում,
• սնվեք լիարժեք. սննդակարգը պետք է բավարար քանակությամբ սպիտակուցներ եւ ճարպեր, ինչպես նաեւ միկրոէլեմենտներ պարունակի:
  
  
  

Հետևեք NEWS.am Medicine-ին Facebook-ում և Twitter-ում