Գիտնականներն ուսումնասիրում են ծաղկային նեկտարի ներուժը լեյշմանիոզի դեմ պայքարելու համար

Գիտնականներն ուսումնասիրում են ծաղկային նեկտարի ներուժը լեյշմանիոզի դեմ պայքարելու համար։

Leishmania մակաբույծները տարեկան վարակում են ավելի քան մեկ միլիոն մարդու, ասվում է PLOS Neglected Tropical Diseases ամսագրում հրապարակված հետազոտության մեջ:

Առողջապահության համաշխարհային կազմակերպության տվյալներով՝ լեյշմանիոզը ազդում է աշխարհի ամենաաղքատ մարդկանց վրա եւ կապված է այնպիսի խնդիրների հետ, ինչպիսիք են թերսնումը, աղքատությունը եւ թուլացած իմունային համակարգը, ինչպես նաեւ շրջակա միջավայրի փոփոխությունները, ինչպիսիք են անտառահատումները եւ ուրբանիզացիան:

Վիսցերալ լեյշմանիոզը կարող է առաջացնել ջերմություն, լյարդի եւ փայծաղի մեծացում, անեմիա եւ քաշի կորուստ: Հիվանդության այլ ձեւերից են մաշկային լեյշմանիոզը, որն առաջացնում է խոցեր եւ մաշկի այլ վնասվածքներ, որոնք հաճախ հանգեցնում են սպիների եւ նույնիսկ հաշմանդամության, եւ լորձաթաղանթային լեյշմանիոզը, որը վնասում է բերանի, քթի եւ կոկորդի լորձաթաղանթը:

«Այս նույն միացությունները կարող են նվազեցնել վարակը նեկտար սպառող ավազի ճանճերի մեջ»,-ասում է հետազոտության հեղինակ Էվան Պալմեր-Յանգը:

Ուսումնասիրությունը ցույց է տվել, որ տարբեր ֆիտոքիմիկատների   կոնցենտրացիաները, որոնք առկա են ծաղկի նեկտարում, ավելի քան բավարար են Leishmania-ի աճը կանխելու համար:

Եթե ​​ծաղկի նեկտարի միացությունները նույնքան արդյունավետ են վայրի բնության մեջ Leishmania-ի մակաբույծների դեմ, որքան ցույց են տալիս լաբորատոր փորձերը, նման բույսերի ռազմավարական մշակումը կարող է օգնել նվազեցնել Leishmania-ի մակաբույծների բեռը ավազի ճանճերի վրա, ասում են հետազոտողները:

Հետևեք NEWS.am Medicine-ին Facebook-ում և Twitter-ում