Արյան ուսումնասիրման նոր մեթոդ, որը կարող է քաղցկեղի 50 տեսակ ախտորոշել

Արյան ուսումնասիրման նոր մեթոդը, որը կարող է քաղցկեղի 50 տեսակ ախտորոշել, բազմախոստում արդյունքներ է գրանցել վաղ փորձարկումներում, գրել է Daily Mail-ը։ https://www.dailymail.co.uk/

Նյու Յորքի գիտնականները քաղցկեղի 35 դեպք են բացահայտել այդ թեստի օգնությամբ, բայց դեռեւս 57 մարդու սխալ ախտորոշում է տրվել։

Արյան Galleri ուսումնասիրությունն օգտագործում է մեկ քսուք այն  ազդանշանի որոնման համար, որն արձակվում է քաղցկեղի շատ տեսակների կողմից, ներառյալ այն տեսակները, որոնք ախտահարում են կուրծքը, թոքերը եւ երիկամները։ Գիտնականները հավաստիացրել են, որ այդ մեթոդը հեռանկարային է քաղցկեղի որոշ տեսակների, օրինակ՝ ենթաստամոքսային գեղձի քաղցկեղի վաղ բացահայտման համար, մինչդեռ գոյություն  ունեցող թեստերը կարող են դրանք հայտնաբերել միայն ուշ փուլերում, երբ ողջ մնալու շանսերը նվազում են։

Այն կարելի է ձեռք բերել դեղատոմսով, մեկ փաթեթը 949 դոլարով, բայց փորձագետներն ասում են, որ թեստը չպետք է օգտագործվի ստանդարտ սքրինինգային միջամտությունների փոխարեն։

Memorial Sloan Kettering օնկոլոգիական կենտրոնի գիտնականները, որոնք իրականացրել են հետազոտությունը, հայտարարել են, որ չնայած թեստը լավն է, այն դեռ լրամշակման կարիք ունի։ Դա տեղի է ունեցել ԱՄՆ նախագահ Ջո Բայդենի՝ քաղցկեղից մահացությունն արյան ուսումնասիրության մշակումների ոլորտում միլիոնավոր դոլարներ ներդնելու միջոցով կրկնակի՝ 2024թ. 300 000-ի նվազեցնելու պլանների հրապարակումից մի քանի օր հետո։

Հետազոտության արդյունքները ներկայացվել են Փարիզում, Բժշկական օնկոլոգիայի եվրոպական ասոցիացիայի ամենամյա համաժողովում։

Հետազոտությանը մասնակցել է 50-ից բարձր տարիքի 6 621 մարդ։

Հետևեք NEWS.am Medicine-ին Facebook-ում և Twitter-ում