Եվրոպական կարգավորողը համաձայն չէ ԱՄՆ նախագահի հետ. COVID-19-ի համավարակը չի ավարտվել

Դեղամիջոցների գծով Եվրամիության կարգավորող մարմնի պաշտոնական ներկայացուցիչը երեքշաբթի հայտարարել է, որ COVID-19-ի համավարակը չի ավարտվել, եւ որ պատվաստման նախատեսված արշավը տարածաշրջանում տարվա սառը եղանակին դրա դեմ պայքարի բանալին է, տեղեկացրել է Reuters-ը։

Դրանով իսկ ԵՄ-ի կարգավորողն անհամաձայնություն է հայտնել ԱՄՆ նախագահ Ջո Բայդենի այն հայտարարության առնչությամբ, թե համավարակն ավարտվել է։

«Մենք Եվրոպայում նախկինի պես համավարակը համարում ենք շարունակվող, եւ կարեւոր է, որպեսզի անդամ պետությունները պատրաստվեն պատվաստանյութերի եւ հատկապես ադապտիվ պատվաստանյութերի ծավալմանը՝ Եվրոպայում հիվանդության հետագա տարածումը կանխելու համար»,- ասել է  Դեղամիջոցների եվրոպական գործակալության (ЕМА) գլխավոր բժիշկ Սթեֆեն Թիրստրուպը՝ խոսելով վիրուսի կոնկրետ շտամների դեմ ուղղված պատվաստանյութերի մասին։

Նրան խնդրել են մեկնաբանել ԱՄՆ նախագահի հայտարարությունն այն մասին, թե համավարակն ավարտվել է։

«Ես չեմ կարող պատասխանել, թե ինչու է նախագահ Բայդենն այդպիսի եզրակացության եկել»,- ասել է Թիրստրուպը։

Առողջապահության համաշխարհային կազմակերպությունը հայտարարել է, որ  համավարակը գլոբալ արտակարգ դրություն է, բայց դրա վերջը կարող է սարերի հետեւում չլինել, եթե երկրներն օգտագործեն իրենց տրամադրության տակ եղած գործիքները։

Լրատվամիջոցների համար ճեպազրույցի ժամանակ ЕМА-ի ներկայացուցիչները հաստատել են գործակալության գործադիր տնօրեն Էմեր Քուկի կոչը, որն արվել է անցած շաբաթ, այն մասին, որ մարդիկ Եվրոպայում պետք է օգտվեն COVID-19-ի դեմ ցանկացած պատվաստանյութից, որը հասանելի կլինի եւ խորհուրդ կտրվի առաջիկա ամիսներին։

Հետևեք NEWS.am Medicine-ին Facebook-ում և Twitter-ում