Մեծ է հավանականությունը, որ պացիենտը կմահանա, եթե նրան տեղափոխեն սենյակ, որը հեռու է բուժքույրերի սենյակից եւ որտեղից պատուհանից վատ տեսարան է բացվում։ Միչիգանի համալսարանի հետազոտողները նման եզրակացություն են ներկայացրել Սան Դիեգոյի վիրաբույժների քոլեջի ամենամյա հավաքի ժամանակ, գրում է U.S.News-ը։
Հետազոտության հեղինակները վերլուծել են 4000 պացիենտների տվյալներ։
50 տոկոսով ավելի մեծ է եղել մահվան հավանականությունն այն մարդկանց մոտ, որոնց հիվանդասենյակը հեռու է եղել բուժկետից։
Հետազոտությունը պարզել է, որ 35 տոկոսով մեծ է եղել մահվան հավանականությունը պացիենտների մոտ, որոնք ապաքինվել են երկու տեղանոց հիվանդասենյակում։ Մինչդեռ այն մարդկանց շրջանում, որոնց հիվանդասենյակը գտնվել է բուժկետից հեռու, մահվան ռիսկը մեծացել է 36 տոկոսով։
Գիտնականներին զարմացրել է այն, որ բուժքույրերը գիտեին այդ մասին եւ ծանր հիվանդներին տեղափոխում էին ավելի հարմարավետ հիվանդասենյակներ։
Գիտնականների աշխատանքը կօգնի մշակել պացիենտների տեղավորման արդյունավետ ռազմավարություններ, ինչպես նաեւ նոր հիվանդանոցներում հիվանդասենյակների բաշխման ծրագրեր։
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր