• Latest news

Օրական քանի՞ ձու կարելի է ուտել՝ առողջությունը չվնասելով

30 նոյեմբերի, 2022  20:02

Օրական մեկ ձուն չի բարձրացնում սիրտ-անոթային հիվանդությունների հավանականությունը, նշել են Հարվարդի համալսարանի Տ.Հ. Չանի անվան հանրային առողջապահության դպրոցի գիտնականները։ Նրանց հետազոտության արդյունքները հրապարակվել են BMJ-ում։

Հետազոտողներն ուսումնասիրել են երեք մեծ հետազոտություն, որոնց մասնակցել է 215 000 մարդ, որոնք լուրջ քրոնիկական հիվանդություններ չեն ունեցել հետազոտությունն սկսելու պահին։ Նրանց առողջական վիճակին հետեւել են 34 տարի։

Հետազոտողներն ուսումնասիրել են մասնակիցների սննդաբաժինները եւ պարզել, որ մարդիկ սովորաբար շաբաթական ուտում են մեկից մինչեւ հինգ ձու։ Պարզվել է, որ այս քանակությունը չի բարձրացնում միոկարդի կաթվածի, սրտի իշեմիկ հիվանդության եւ ինսուլտի հավանականությունը։ Ձվի օգտագործման եւ սիրտ-անոթային հիվանդությունների հավանականության միջեւ կապ հայտնաբերվել է միայն այն մարդկանց պարագայում, որոնք տառապում են 2-րդ տեսակի շաքարային դիաբետով։

«Մարդկանց մեծ մասն օրական միջինը մեկ ձվից ավելի չի ուտում։ Կարելի է նախաճաշին երկու ձու ուտել, բայց միայն շաբաթը երկու կամ երեք անգամ։ Այսպիսով, միջին սպառումը փաստորեն օրական մեկ ձվից քիչ է ստացվում»,- ասել է հետազոտության համահեղինակ Ֆրենկ Հուն (Frank Hu)։

Բացի այդ, գիտնականները կատարել են եվրոպական, ամերիկյան եւ ասիական 28 հետազոտությունների մետաանալիզ, որոնք ուսումնասիրել են 1,7 մլն մարդու՝ ձու օգտագործելու սովորությունները։ Այդ հետազոտությունների տվյալները նույնպես հաստատում են, որ օրական մեկ ձուն բացասական ազդեցություն չի գործում սրտի առողջության վրա։

Ասիական հետազոտություններում ձվի օգտագործման կապ է հայտնաբերվել սիրտ-անոթային հիվանդությունների որոշակի նվազման հետ։ Գիտնականներն առաջարկել են դա բացատրել նրանով, որ ասիական մշակույթներում ձուն սովորաբար առկա է տարբեր կերակրատեսակների բաղադրությունում, այն դեպքում, երբ արեւմուտքում ձուն հաճախ առանձին են ուտում, ընդ որում՝ կարմիր կամ վերամշակված մսով եւ սպիտակ հացով։

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է