«Շենգավիթ» ԲԿ գլխավոր տնօրեն Ալեքսանդր Ուռումյանի և կլինիկայի բարեկամ Արայիկ Մանուկյանի նախաձեռնությամբ բժշկական կենտրոն էին հրավիրվել «Գավառի մանկատան»` ուսման մեջ առաջադիմություն ցուցաբերած լավագույն սաները: Այս մասին NEWS.am Medicine-ին հայտնեցին «Շենգավիթ» ԲԿ–ից։
Հանդիպման նպատակն էր երեխաների հետ մեկ օր անցկացնել կլինիկայում, ծանոթացնել նրանց բժշկական ոլորտին։ «Շենգավիթ» ԲԿ տնօրինությունը երեխաներին նվիրեց 20 համակարգիչ, որոնք կծառայեն նրանց ուսման առաջադիմության համար:
Սաներից շատերը ցանկություն հայտնեցին ապագայում աշխատել բժշկական ոլորտում։ «Շենգավիթ» ԲԿ գլխավոր տնօրենը խոստացավ` համապատասխան մասնագիտական ուսում ստանալուց հետո օժանադակել կլինիկայում աշխատանք գտնելու հարցում:
Ճանաչողական հանդիպմանը հաջորդեց կլինիկայի տնօրինության հետ համատեղ ճաշը, այնուհետև երեխաները ուղևորվեցին Կոմիտասի թանգարան-ինստիտուտ` ծանոթանալու մեծ հայի գործունեությանը:
«Լիահույս ենք, որ «Գավառի մանկատան» սաները հետ վերադարձան ուրախ տպավորություններով», – ասվում է հաղորդագրության մեջ։
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր