Մանչեսթերի համալսարանի բրիտանացի գիտնականները ցողունային բջիջներից մարդու թոքերի մինի տարբերակ են ստեղծել։ Դրանք կարող են ընդօրինակել կենդանի հյուսվածքների արձագանքը տարբեր նանոնյութերին։ Հետազոտությունը հրապարակվել է Nano Today գիտական ամսագրում։
Օրգանների այս մոդելները, որոնք կոչվում են օրգանոիդներ, եռաչափ կենսաբանական կառույցներ են: Դրանք օգտագործվում են թոքերի տարբեր հիվանդությունների, այդ թվում՝ կիստիկ ֆիբրոզի, թոքերի քաղցկեղի և COVID-19-ի հետևանքները ավելի լավ հասկանալու համար:
Նոր ուսումնասիրության ընթացքում հետազոտողներն ուսումնասիրել են ածխածնի վրա հիմնված նանոնյութերի ազդեցությունն օրգանոիդների վրա:
Պարզվել է, որ գրաֆենի օքսիդն ապահով կերպով պահվում է շնչառական համակարգում սեկրետորային մուցին կոչվող նյութի միջոցով։ Մինչդեռ երկար և կոշտ բազմապատ ածխածնային նանոխողովակները բացասաբար են ազդում թոքերի վրա՝ առաջացնելով մշտական բորբոքում և ֆիբրոզ:
Գիտնականների կարծիքով՝ ցողունային բջիջներից պատրաստված մինի թոքերը զգալիորեն կնվազեցնեն կենդանիների վրա կատարվող փորձերի քանակը և ավելի մարդասիրական կդարձնեն նանոտոքսիկոլոգիական հետազոտությունները։
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր