Էբոլայից ապաքինված դալասցի բուժքրոջ Բենթլի անունով շանը վերադարձրել են կարանտինից: Նինա Ֆամի եւ նրա սպանիելի հուզիչ հանդիպումը ԱՄՆ ռազմածովային ուժերի նախկին բազաներից մեկում է տեղի ունեցել, որտեղ կենդանին 3 շաբաթ տեւողությամբ կարանտին է անցել եւ ամեն օր անհատական պաշտպանիչ համազգեստով զինված անասնաբույժների ուշադրության տակ գտնվել, հաղորդում է FoxNews-ը:
«Նախ եւ առաջ ցանկանում եմ երախտիքիս խոսքը հայտնել բոլոր այն մարդկանց, ովքեր աշխարհի բոլոր ծայրերից իրենց բարեմաղթանքներն են ուղարկել՝ միստր Բրենթլիի եւ ինձ համար», - նշել է բուժքույրը՝ նոյեմբերի 1-ին կազմակերպված մամուլի ասուլիսի ընթացքում: Ողջ աշխարհի ուշադրության կենտրոնում հայտնված կենդանին, որը Նինա Ֆամի «լավագույն ընկերներից մեկը լինելու» պատիվն ունի, նույնպես ներկա է գտնվել միջոցառմանը:
Հիշեցնենք, որ Նինան նախորդ ամսվա ընթացքում՝ լիբերիացի Թոմաս Էրիկ Դունկանի խնամքով զբաղվելու արդյունքում էր Էբոլա հեմոռագիկ տենդով վարակվել: Բուժքրոջ՝ Վաշինգտոնի վարչական շրջանում գործող բուժհաստատություններից մեկում կազմակերպված բուժումը հոկտեմբերի 24-ին է ավարտվել:
Մի փոքր ավելի վաղ նմանատիպ մի դեպք էլ Իսպանիայի մայրաքաղաքում էր տեղի ունեցել՝ մեկ շոշափելի տարբերությամբ. Էբոլայով վարակված բուժքրոջ շունը հիշյալ պարագայում էվթանազիայի էր ենթարկվել:
«Բենթլին կենդանի է եւ շարունակում է Դալասի բնակիչը լինել: Նրա կյանքը փրկելու համար բազմաթիվ մարդիկ մեծ թվով աշխատաժամանակ են ծախսել», - նշել է քաղաքապետ Մայք Ռոուլինգսը՝ խոստովանելով, որ օրեր առաջ նույնիսկ հասցրել է համբուրել շանը:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր