2013 թվականին Հայաստանում ծնվել է 41 906 երեխա, որը 926-ով պակաս է 2012 թվականի թվից: Այս մասին NEWS.am Medicine-ին հաղորդեցին Հայաստանի առողջապահության նախարարությունից:
Հարկ է նշել, որ Հայաստանում վերջին տարիներին ծնելիությունն աստիճանաբար նվազում է՝ 2010 թվականին երկրում ծնվել է 44 737 երեխա (2831 –ով ավելի, քան 2013-թ-ին), 2011 թվակնին՝ 43 297, 2012 թվականին՝ 42 832:
2013 թվականին Երեւանում լույս աշխարհ է եկել 21 380 երեխա, այն ժամանակ, երբ երկրի բոլոր մարզերում միասին վերցրած այդ թիվը կազմել է 20 526: 2012 թվականին մայրաքաղաքում ծնվել է 21 998 երեխա, որը 618-ով շատ է, քան նախորդ տարվա թիվը: Իսկ շրջաններում 2012 թվակնին ծնվել է 20 834 երեխա՝ 308 –ով ավելի շատ, քան 2013 թ-ին:
2013 թվականի հաշվարկներով ամենաշատ երեխա ծնվել է Շիրակի մարզում՝ 3696, ամենաքիչը Վայոց ձորում՝ 531: Ինչ վերաբերում է մյուս մարզերին, ապա Արագածոտնում ծնվել է 1087 երեխա, Արմավիրում՝ 1987, Գեղարքունիքում՝ 2591, Լոռիում՝ 2834, իսկ Տավուշում՝ 1300:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր