Արդյոք անհատականացված բուժումը, որն ուռուցքային հիվանդին նշանակվում է հաշվի առնելով ուռուցքի գենետիկական առանձնահատկությունները, ավանդական ընթացակարգերից ավելի արդյունավետ է: Այդ հարցին պատասխան փորձել են գտնել ֆրանսիացի գիտնականները Ժան-Շառլ Սորիայի ղեկավարությամբ:
Նրանք վերլուծել են տարբեր տեղայնությամբ տարածված ուռուցքներով` թոքերի, կաթնագեղձի քաղցկեղ, գլխի եւ պարանոցի, շագանակագեղձի ուռուցքներ, միզափամփուշտի, աղիների եւ ստամոքսի քաղցկեղ, 1110 մարդու հիվանդության պատմությունը: Հետազոտությանը մասնակցել են հիվանդներ, որոնք բուժման արդեն երեք մոտեցում են փորձարկել, եւ նրանք, ում բժիշկները չեն կարողացել այլ թերապիա նշանակել:
Նրանցից 199-ը գենետիկական սքրինինգ է անցել, որի արդյունքում նրանց անհատականացված բուժում է նշանակվել: Կարծիք կա, որ ուռուցքի առաջացման համար մեղավոր մուտացիաների հայտնաբերումը թույլ է տալիս ուղղորդված ազդեցության դեղամիջոցներ ընտրել, որոնք արդյունավետորեն հաղթահարում են հենց այդ նորագոյացությունները: Հետազոտությունը ցույց է տվել, որ այն հիվանդների մոտ, որոնց համար հենց այդպիսի բուժում են ընտրել, հիվանդության չկրկնվելու ժամանակահատվածը 30 տոկոսով ավելի երկար է տեւել, քան նրանց մոտ, ում բուժման համար ստանդարտ ընթացակարգեր են կիրառվել:
Հետազոտողները եզրակացրել են, որ անհատականացված բուժումն իրոք օգնում է ուռուցքային հիվանդներին, ընդ որում` քաղցկեղի տարբեր ձեւերի դեպքում:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր