Ինչպե՞ս պահպանել ատամների առողջությունը: Խորհուրդներ ատամնաբույժից

Ի՞նչ է հարկավոր՝ առողջ ատամբեր ունենալու համար: Այս հարցի շուրջ լրագրողերի հետ զրուցեց ատամնաբույժ Արթուր Փափազյանը:

Ատամնաբույժի խորհուրդները կարելի է երեք խմբի բաժանել.

1. Նյարդեր

Հետաքրքիր է, որ առողջ ատամներ ունենալու համար պետք է առողջ նյարդեր ունենալ՝ քիչ նյարդայնանալ, քիչ հուզվել, սթրեսներից հեռու մնալ: Պարզվում է, որ նայրդայնանալն ու չափից շատ անհանգստանալը վնասակար են ոչ միայն ընդհանուր առողջության համար, այլեւ ատամների համար:

2. Սնունդ

Սննդակարգը նույնպես դեր է խաղում ատամների առողջության հարցում, սակայն խնդիրը նրանում է, որ հնարավոր չէ ասել, թե կոնկրետ որ սնունդն է օգտակար, իսկ որը՝ վնասակար: Կան կարծիքներ, որ ծովամթերքները, օրինակ, դրական են ազդում ատամների վրա, իսկ քաղցրավենիքները՝ բացասաբար: Ինչքանով է դա միանշանակ՝ դժվար է ասել: Արթուր Փափազյանը կարծում է, որ ամեն սննդամթերք չափի մեջ է լավ եւ օգտակար, իսկ չափից ավելի շատ ուտելու դեպքում կարող է վնասել ոչ միայն ատամներին, այլեւ ողջ օրգանիզմին:

3. Ապրելակերպ

Ծխելը միանշանակ բացասաբար է ազդում ատամների առողջության վրա, պնդում է ատամնաբույժը: Բոլոր այլ օրգանների համար այն նույնպես վնասակար է՝ սա այն մի քանի հարցերից մեկն է, որի շուրջ բոլոր մասնագետների միակարծիք են:

Առողջ ատամներ ունենալու համար բացի չծխելուց եւ առողջ ապրելակերպ վարելուց հարկավոր է նաեւ խստորեն հետեւել բերանի հիգիենային: Ատամնաբույժը խորհուրդ է տալիս ատամները մաքրելու սովորությունը երեխաների մեջ սերմանել դեռ շատ վաղ հասակից՝ երկու տարեկանից:

Ի դեպ, վերը նշված բաներից բացի ատամների առողջության վրա մեծ ազդեցություն ունի ժառանգականությունը: Բայց հենց ժառանգականության հետ ոչինչ չես անի:

Հետևեք NEWS.am Medicine-ին Facebook-ում և Twitter-ում