Ռեփ երաժշտությունը դրական է ազդում հոգեկան խնդիրներ ունեցող մարդկանց վրա

Ռեփ երաժշտություն ունկնդրելը բարենպաստ ազդեցություն է ունենում հոգեկան հիվանդություններ ունեցող մարդկանց առողջության վրա: Քեմբրիջի համալսարանի գիտնականները պնդում են, որ նման թերապիան առավելապես օգտակար է շիզոֆրենիա, դեպրեսիա, կախվածություն եւ երկբեւեռ խանգարում ունեցող հիվանդների համար:

Գիտնականները կարծում են, որ այդ ժանրի կատարողների ստեղծագործություններում նման խնդիրներ են լուսաբանվում: Բժիշկները երգերի բառերում մարդու հոգեկան առողջության մասին թաքնված հաղորդագրություն են հայտնաբերել:

Ըստ մասնագետների, ռեփ ժանրի կոմպոզիցիաները մարդուն օգնում են բացվել եւ շրջապատի հետ կիսել իրենց ապրումները: Իրենք՝ կատարողները, տեղեկացնում են, որ երգեր գրելիս ձգտում են մարդկանց փոխանցել իրենց անհանգստացնող բոլոր թեմաները, ինչը թույլ է տալիս ավելի սթափ նայել սեփական կյանքին:

Բժիշկների փոխանցմամբ՝ հոգեկան խանգարումներ ունեցող բազմաթիվ հիվանդների համար դժվար է այդ մասին խոսել եւ գոյություն ունեն գործնական մի շարք ապացույցներ, որ ռեփ կոմպոզիցիաներ գրելն ու կատարելը որոշ հիվանդների օգնել են հաղթահարել հոգեկան խնդիրները: Ստեղծագործական գործունեությամբ զբաղվելը նրանց օգնել է կարգավորել մտքերը, ինչպես նաեւ մեծացնել սոցիալական շփումները:

Հետևեք NEWS.am Medicine-ին Facebook-ում և Twitter-ում