Զուգընկերոջ կյանքի վատ իրադարձություններն անդրադառնում են կանանց վրա

Կանանց համար ավելի հեշտ է իրենց պատկերացնել երկրորդ կեսի փոխարեն, քան տղամարդկանց: Այս ամենը հաստատել է Գրիֆֆիտի եւ Քվինսլենդի համալսարանների գիտնականների կողմից իրականացված խոշոր հետազոտությունը: Վաղուց հայտնի է, որ կանայք ամեն ինչի հանդեպ ավելի էմոցիոնալ են արտահայտվում, քան տղամարդիկ:

Մասնագետները վերլուծել են Ավստրալիայի ավելի քան 20000 բնակչի տվյալները: Նրանք հետեւել են, թե ինչպես է փոփոխվել մարդկանց հոգեբանական վիճակը, երբ նրանց զուգընկերների հետ ինչ-որ բան է պատահել: Այս մասին հաղորդում է News-Medical-ը:

Եթե զուգընկերը հիվանդ է եղել, կամ էլ նրա ընկերն է մահացել, կինն իր զուգընկերոջ համար ծանր ապրումներ է տարել, այնինչ տղամարդու վրա կնոջ կյանքի բացասական իրադարձությունները գրեթե չեն անդրադարձել:

Կանանց կարեկցության մակարդակը (24%) համեմատվել է իրենց ապրումների հետ այն ժամանակ, երբ զույգերի կյանքում մի ինչ-որ անմիջական դեպք է պատահել: Հետազոտողների խոսքով սա չի նշանակում, որ տղամարդիկ անզգա են կամ էլ հոգ չեն տանում իրենց զուգընկերուհիների մասին: Պարզապես տղամարդիկ այնքան էլ էմոցիոնալ չեն վերաբերվում իրենց կանանց զգացմունքներին: Հավանաբար նման դեպքերում տղամարդկանց սեփական փորձն ու դերն իրենց ավելի են անհանգստացնում, քանի երկրորդ կեսի զգացմունքները:

Գիտնականները նաեւ նկատել են, որ այն մարդիկ, ովքեր եղել են նաեւ ծնողներ, հետաքրքրությունների մեծ ընդհանրության պատճառով ավելի են անհանգստացել կողակցի համար, քան թե նրանք, ովքեր երեխաներ չեն ունեցել: Մարդու կյանքում կատարվող բացասական եւ դրական իրադարձություններն ազդում են նաեւ նրանց մտերիմների վրա: Հոգեկան ապրումներ ունեցող զուգընկերն իր երկրորդ կեսի մոտ ոչ միայն կարեկցանք է առաջացնում. զույգը կարող է ավելի քիչ ժամանակ հատկացնել տնային գործերին եւ ավելի քիչ շփվել երեխաների ու ընտանիքի մյուս անդամների հետ: Այս դեպքում նրանց մտերիմներն ստիպված են լինում իրենց վրա ավելի մեծ պարտականություններ վերցնել: 

Հետևեք NEWS.am Medicine-ին Facebook-ում և Twitter-ում