ՀՀ առողջապահության նախարարությունում նախարար Արմեն Մուրադյանի նախաձեռնությամբ կայացավ դեղ ներմուծող եւ արտադրող ընկերությունների ղեկավարների հետ հերթական հանդիպումը: Այս մասին հայտնում է հհ ԱՆ մամուլի ծառայությունը։
Քննարկվեց Հայաստանի Հանրապետության կառավարության 2000 թվականի սեպտեմբերի 20-ի N 581 որոշման մեջ լրացումներ եւ փոփոխություններ կատարելու մասին որոշման նախագիծը: Փոփոխությունները բխում են Եվրասիական տնտեսական միությանն անդամակցությամբ պայմանավորված դեղերի եւ դեղանյութերի ներմուծման եւ արտահանման համար անհրաժեշտ նոր մոտեցումներից:
Անդրադարձ կատարվեց ՀՀ նախագահի հանձնարարականին` «Դեղերի մասին» ՀՀ նոր օրենքում սահմանված կարգով դեղերի մեծածախ իրացման լիցենզիային վերաբերող հարցերին:
Դեղ ներմուծող եւ արտադրող ընկերություններին առաջարկվեց ներկայացնել դեղերի գների իջեցման նոր մեխանիզմներ: Ընկերությունների ղեկավարների կողմից հնչեցրած կարծիքները հաշվի կառնվեն եւ կամփոփվեն որոշման նախագծի լրամշակման ժամանակ:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր