Նյու Յորքի առնետները կարող են դառնալ ժանտախտի տարածողներ

Մասնագետները Նյու Յորքի առնետների վրա բնակվող մակաբույծների հետազոտություն են իրականացրել: Արդյունքները ցույց են տվել, որ այդ մակաբույծները պատկանում են տիզերի այն տեսակին, որը ժամանակին բուբոնային ժանտախտի տարածման պատճառ է դարձել:  Ուսումնասիրության արդյունքները լույս են տեսել Тhe Journal of Medical Entomology ամսագրում:

Մասնագետներն ուսումնասիրել են նյույորքյան առնետների վրա բնակվող տիզերի ու ոջիլների 6500 նմուշ: Հետազոտությունը թույլ տվեց գիտնականներին ոչ միայն հայտնաբերել պաթոգեն բակտերիաները, որոնք տարածում են միջատները, այլ նաեւ պարզել, որ առնետների վրա մինչ օրս ապրում են «առնետային հարավային տիզ» տեսակի տիզերը: Հենց այս տիզերն են միջնադարյան Եվրոպայում բուբոնային ժանտախտի համաճարակի հարուցիչ եղել: 

Մասնագետները պնդում են, որ նմանատիպ հետազոտություններ չեն անցկացվել 1920 թվականներից սկսած եւ այդ պատճառով իրենց աշխատանքի արդյունքներն անչափ կարեւոր են: Ժամանակակից աշխարհում ժանտախտը տարեկան սպանում է 2 500 մարդ: Իսկ դա նշանակում է, որ եթե այս հիվանդության բակտերիաները որեւէ կերպ հայտնվեն Նյու Յորքի առնետների տիզերի վրա, ժանտախտը կրկին կսկսի տարածվել:

Հետևեք NEWS.am Medicine-ին Facebook-ում և Twitter-ում