Բացօթյա խնջույքներին մարդկանց խումբը պետք է տեղակայվի զուգահեռակողմի, վեցանկյան կամ հնգանկյան ձեւով՝ կորոնավիրուսի տարածման հավանականությունը նվազեցնելու համար: Ավելին՝ մարդկանց միջեւ հեռավորությունը պետք է լինի 2 մետրից ոչ պակաս, եւ ամեն մեկը պետք է ուտի իր կերակուրը: Այսպիսի հանձնարարականներով են հանդես Օքսֆորդի համալսարանից մասնագետները:
The Daily Mail-ը հայտնում է, որ մաթեմատիկոս Բոբի Սիգալն իր հերթին առաջարկել է նստել երկու եռանկյունիների ձեւով՝ մեծ զուգահեռակողմ ձեւավորելու համար:
Առանձին փորձագետներ նաեւ խորհուրդ են տալիս բացօթյա խնջույքների ժամանակ բարբեքյու չպատրաստել, քանի որ խոհանոցային պարագաների եւ սննդամթերքի համատեղ օգտագործումը կարող է կրկնապատկել վիրուսի տարածումը:
Լոնդոնի Հիգիենայի եւ արեւադարձային բժշկության դպրոցի պրոֆեսոր Սալի Բլումֆիլդը մարդկանց խորհուրդ է տալիս բացօթյա խնջույքներին իրենց սնունդը եւ սեղանի պարագաները հետները բերել ու չօգտվել ուրիշի ոչ մի բանով:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր