• Latest news

Գլխի բեկորային վիրավորում ստացած Հայկն արդեն առանց ձեռնափայտի է քայլում

8 հուլիսի, 2016  10:46

18-ամյա Հայկ Թորոսյանը, որը Լեռնային Ղարաբաղում քառօրյա պատերազմի ժամանակ գլխի բեկորային վիրավորում էր ստացել, արդեն կարող է ինքնուրույն քայլել՝ առանց ձեռնափայտի: Այս մասին NEWS.am Medicine –ի թղթակցին պատմել են Հայկի ազգականները:

Հիշեցնենք, որ Հայկը վիրավորվել էր ապրիլի 2-ին Մատաղիսում՝ պայթած լիցքի բեկորը մտել էր նրա գլխի մեջ ճակատի մասից ու վնասել ուղեղը: Օգնության հասած բժիշկները կանգնացրել են արյունահոսությունը ու վիրավորին տեղի հոսպիտալ տեղափոխել, այնտեղից էլ՝ Երեւան, որտեղ վիրաբույժները նրա գլխից հանել են բեկորը ու կարել վերքը: Ուղեղի վնասվածքի պատճառով նա կորցրել է ձախ ձեռքի ու ոտքի զգայունությունը: Երբ նոր էր եկել Կարմիր Խաչի վերականգնողական կենտրոն, որտեղ նա գտնվում է մինչեւ հիմա, նա գրեթե չէր կարողանում շարժել ո՛չ ոտքը, ո՛չ ձեռքը:

Իսկ այսօր Հայկը արդեն միանգամայն վստահ քայլում է՝ նույնիսկ առանց ձեռնափայտի: Ճիշտ է ձախ ձեռքի շարժունակությունը դեռ չի վերականգնվել՝ դրա համար մասնագետի խոսքով, ավելի շատ ժամանակ կպահանջվի, բայց թե հատկապես ինչքան՝ անհայտ է: Առայժմ Հայկը կարողանում է շարժել միայն ձախ ուսը, բայց ինչպես նրա ազգականներն են ասում՝ դաստակն ու մատները դեռ անշարժ են:

Վերականգնողական կենտրոնի մասնագետների խոսքով, Հայկի մոտ առաջխաղացում կա՝ համենայն դեպս նա ավելի շուտ է սկսել քայլել ու ձախ ուսը շարժել, քան իրենք էին կարծում, դրա համար էլ նրանց լավատեսաբար են տրամադրված ու վստահ են, որ Հայկը կապաքինվի:

Վերականգնողական կենտրոնից դուրս գրվելուց հետո Հայկը հույս ունի մեկնել Լեռնային Ղարաբաղ ու հանդիպել տղաների հետ, որոնց հետ մտերմացել է ծառայության ընթացքում ու հիվանդանոցում:

 

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է