«Աստղիկ» բժշկական կենտրոնի սրտաբանական ստացիոնարի ղեկավար Միքայել Ադամյանը պսակաձեւ զարկերակների հերթական ստենտավորումն է կատարել: NEWS.am Medicine-ի թղթակցի հետ զրույցում բժիշկը պատմեց, որ կորոնոգրաֆիան հիվանդի մոտ սիրտը սնուցող անոթների նեղացում է ցույց տվել, մի հատվածում՝ մինչեւ 70%-ի չափով, եւ որոշվել է երեք ստենտ տեղադրել:
Վիրահատության ընթացքում Միքայել Ադամյանը պատմեց եւ ցույց տվեց, որ ստենտով տուփը բացվում է հենց հիվանդի աչքի առջեւ, եւ որ վիրահատության ժամանակ օգտագործվող օժանդակ բոլոր նյութերը մեկանգամյա օգտագործման են:
Բժիշկը պարզաբանեց, որ ստենտավորման արժեքի նվազումից հետո հիվանդին այդ գործողությունը 1 մլն 950 հազար դրամ է արժեցել, մինչդեռ նախկինում դեղորայքային երեք ստենտի տեղադրման համար հարկավոր էր վճարել 3 մլն 450 հազար դրամ:
Միքայել Ադամյանը վստահեցրեց, որ վիրահատության արժեքի նվազումը որեւէ կերպ չի ազդել բուժծառայության եւ օգտագործվող նյութերի որակի վրա: Ըստ նրա՝ վիրահատության արժեքը նվազել է բացառապես մատակարարվող ստենտի եւ այլ նյութերի գնի եւ «Աստղիկ» ԲԿ-ի շահույթի նվազման հաշվին:
Հիշեցնենք, որ «Աստղիկ» բժշկական կենտրոնը հայտարարել էր սեպտեմբերի մեկից ստանտավորման գների նվազեցման մասին։
Մանրամասները՝ տեսանյութում:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր