Բրիտանուհի Քիմ Դե Ատտան հազվագյուտ հիվանդություն ունի. նա անլար համացանցից եւ բջջային կապի ցանցից ալերգիա ունի: Երբ կինը հայտնվում է 3G-ի գոտում, ուժեղ գլխացավեր է ունենում: Դե Ատտան նախընտրում է դուրս չգալ տնից, որը հատուկ ցանցով է պատել:
Ըստ Metro-ի՝ էլեկտրամագնիսական ալիքներից ալերգիայով տառապող նախկին բուժքույրը ստիպված է լինում տնից դուրս գալ հատուկ սաղավարտով: Հիվանդության պատճառով նա երկու անգամ փոխել է բնակության վայրը՝ հեռանալով խուլ վայրեր, որտեղ բջջային ցանց չկա:
«Մարդկանց մեծ մասը մտածում է, որ ես խելագարվել եմ: Նրանք չեն կարողանում պատկերացնել, թե որքան եմ տանջվում: Ես վաղուց չեմ տեսել մտերիմներիս: Ես հյուրեր եմ ունենում տարին երկու անգամ, կես օրով: Դա կոտրում է սիրտս»,- հայտարարել է Դե Ատտան:
Քիմն էլեկտրամագնիսական ալիքներից ալերգիա ունի 16 տարեկանից: Նա Լոնդոնում է բնակվել եւ հեռուստացույցի մոտ գտնվելիս մշտապես վատ է զգացել:
Բրիտանուհին միակը չէ, ով նման խնդիրներ ունի: Ավելի վաղ հաղորդվել էր, որ 2015 թվականին ամերիկացի աշակերտուհին ինքնասպան է եղել՝ չկարողանալով պայքարել Wi-Fi-ի ճառագայթման հետեւանքով առաջացած խնդիրների դեմ:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր