Ապրիլին ոտքը կորցրած Նորայրը մեկ ամսից մշտական պրոթեզ կստանա

12 հունվարի, 2017  22:26

20-ամյա Նորայր Զախարյանը, որը ոտքը կորցրել է ապրիլյան պատերազմի ժամանակ, շուտով մշտական պրոթեզ կստանա:

Նոյեմբերի 17-ին Նորայրը հերթական վիրահատությանն է ենթարկվել, որի ընթացքում անդամահատված մասից գերաճած հյուսվածքներ են հեռացվել: Այժմ Նորայրը վիրահատությունից հետո վերականգնվում է: Քայլելու համար նա դեռեւս ժամանակավոր պրոթեզ է օգտագործում: Մշտական պրոթեզ կստանա այս տարվա փետրվարին:

Մինչ այդ նորայրը կենտրոնացած է ոչ միայն վերականգնման, այլ նաեւ ուսման վրա. դեռ մինչ զորակոչվելը նա իր հայրենի քաղաք Գավառի գյուղատնտեսական քոլեջ էր ընդունվել: Այս տարի քոլեջը կավարտի եւ ծրագրում է կա՛մ Գավառի համալսարանի դեղագործական ֆակուլտետ ընդունվել, կա՛մ իրավաբանություն ուսումնասիրել Երեւանում: Այս պահին երկու մասնագիտությունն էլ նրան շատ գրավիչ են թվում, եւ առայժմ դժվարանում է դրանցից մեկն ընտրել: Դրանից զատ, Նորայրը նախատեսում է աշխատանք գտնել, ոըը հնարավոր կլինի համատեղել ուսման հետ:

Հիշեցնենք, որ անցյալ տարի ապրիլին հանձնարարություն իրականացնելիս Նորայրը, շեղվելով հակառակորդի կրակոցներից, ռումբի վրա է կանգնել եւ ոտքի ծանր վիրավորում ստացել: Ընկերները տեղում առաջին օգնություն են ցույց տվել, ոտքը վիրակապել, արյունահոսությունը դադարեցրել: Շտապ օգնության մեքենայով նորայրին Մատաղիս են տեղափոխել, այնուհետեւ՝ Մարտակերտ, որտեղ վիրահատել են, իսկ ոտքն անդամահատել, քանի որ վնասվածքները չափազանց լուրջ էին, եւ ուղղակի անհնար էր ոտքը «հավաքել»:

Ավելի ուշ Նորայրին Երեւան են տեղափոխել: Երբ նրա վիճակը բարելավվել է, նա ծանոթացել է հայտնի օրթոպեդ Մկրտիչ Գինոսյանի հետ, որը 2016 թվականի ամռանը նրա ոտքին ժամանակավոր պրոթեզ է դրել, որով Նորայրը  սովորել է ինքնուրույն քայլել եւ անգամ վազել: Նորայրի մշտական պրոթեզը ժամանակավորից շատ ավելի լավը եւ հարմարավետ կլինի, որով նա կկարողանա նորմալ, լիարժեք կյանքով ապրել, սովորել եւ աշխատել:

Հետևեք NEWS.am Medicine-ին Facebook-ում և Twitter-ում

loading...
 

  • Այս թեմայով
  • Տեսանյութեր
 
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ինչպե՞ս կարելի է իմանալ, որ մարդը ՄԻԱՎ-վարակ ունի:
1. ՄԻԱՎ-ով մարդը մշտապես հոգնածություն եւ քնկոտություն է զգում:
2. ՄԻԱՎ-ով մարդու մազերը ավելի վաղ են սպիտակում, քան մյուս մարդկանց դեպքում:
3. Եթե մարդու մոտ առկա է ՄԻԱՎ, դա նրա արտաքինից է երեւում:
4. ՄԻԱՎ-ի առկայության կամ բացակայության մասին կարելի է իմանալ միայն հատուկ անալիզ հանձնելուց հետո:
5. ՄԻԱՎ-ով տառապող մարդու մարմնին կապուտկները հեշտ են առաջանում: